Sunday, December 30, 2007

صعـــــــب


صعب

صعب يموت الحب سنين

ويرجع تانى بشوق وحنين

صعب يعود بالساهل حبك

إتعودت اغيب عن حضنك

إتعودت أعيش ويايا

وانسى مشاعرى وحتى هوايا

يا ما قاسيت فى جراح جوايا

واتعذبت وكنت وحيد

عن حبك خلينى بعيد

صعب على أكون الحل

لما تقاسى واكون بالسهل

دوقى لمرة الخوف والذل

زى مادوقتينى سنين

صعب يموت الحب سنين

ويرجع تانى بشوق وحنين

محمد فوزى

Tuesday, December 11, 2007

هــى فوضــــــــــــى!!!!!؟

هى فوضى

قلب نفسك يا خفيف
النبى حارسك وضامنك يا طعم يانايتى يا سيد أمك
يمكن بمناسبة مهرجان السينما الحادى والثلاثون المصرى
الواضح ان الشرطة متابعة سينيما كويس جدا واقتبست العبارة دى من مشهد فى فيلم لاحمد حلمى النجم الموهوب
فى فيلم زكى شان

بس هما للأسف تقمصو دور الناس اللى كانت بتقلب احمد حلمى بكل تبجح وبكل إستهانة بالناس اللى موجودة


حدث بالفعل :

مشهد : ليل داخلى خارجى كرهتة وكرهت اليوم اللى خرجت فية اصلا

اقرب مكان لينا كان احد الكافيهات متوسطة الحال ملحوظة ( بداخل احد المولات المقام بجوار احد الجامعات )

عادى جدا جلسنا نتهبب نشرب اى حاجة ونتكلم فى مشكلة معينة

وإذ بنا نفاجىء خير اللهم أجعلة خير مجموعة رجال ماشاء الله رجالة الواحد منهم يسد عين الشمس داخلين بشكل درامى جدا طايحين فى الناس اللى موجودة وبطايق وحركات وأسلوب غليظ جدا ..... بطايييييييييق إية إحنا فين هنا إحنا فى كمين ولا اية ؟ دا واحد اتفزلك وقالها وياريتة ما قالها ( فى الطرابيزة المجاورة ) وهاتك يا إهانة والذى منة وبطاقتك يا عم الخفيف يا ابو الرجالة يا طعم يا نايتى يا سيد أمك وانتى يا حلوة بطاقتك ( الكلام موجة للأنسة اللى معاة ) طبعا صاحبكو اللى هو انا شفت المنظر ودانى احمرت واتخضيت وقولت يا ليلة مهببة يعنى انا على الدور ولا اية وهاتقلب برضو واتفتش ذاتى كدة ؟ نسيت اقول إن الشاب الطعم النايتى كما قال علية رجال الأمن اتفتش ذاتيا عقابا لية على لماضتة ولولا رحمة قلوبهم لفتشو الانسة اللى معاة ذاتيا الحقيقة ناس ذوق ذوق ذوق الصراحة وماعملوش كدة لانهم كانو لسة مصليين العشاء ولسة على وضوئهم فمحبوش ينقضو الوضوء لا أكثر ولا أقل .

طبعا ترابيزتنا اللى عليها الدور بقى استعديت أنا وكلام فى سركو قررت انى ما انضربش على قفايا وقلت اتكلم بكل ذوق واطلع كارت من اللى شايلهم للزنقة بس فكرت إنى برضو هانضرب على قفايا لا محيص اذا جربت واتجرأت وعملت زى الاخ صاحب النخوة بس برضو قررت انى لو عشت لازم اعيش راجل مش علشان اللى معايا ومنظرى قدامهم لاء علشان حاجة تانية ( علشان تعب ابويا وسهر أمى سنين كانو بيموتو علشان اتعلم والعلم دا يعنى نور زى ما طول عمرنا بنسمع والنور يعنى الإحساس والكرامه والشعور بالذات وأنك تحس أقل احساس انك انسان إنك بنى أدمممممممممم ولو الاحساس دا راح واتهنت يبقى يا ريتكو ماخلفتونا أموت احسن ولا إنى اتهان وانا مش لى ذنب وماشى بما يرضى الله )

الحمد لله ربنا سترها بالنسبة لى محدش قربلى دا من رحمة ربنا اشمعنى بقى الله اعلم ربنا عماهم عنى ( شوف الخوف )
برغم ان الواحد سليم وقاعد بكل احترام لكن بجد الناس دى ربتلنا الخفيف .

اتعلمنا نخاف :

طيب يابنى انت كويس وماشى تمام ومش شايل مايغضب الله او رجال الامن من محظورات طيب خايف لية ؟

مش عارف اتعلمنا كدة نخاف وزى ماهما عملو ونجحو فية اضرب المربوط يخاف السايب بقى كلة يخاف بغض النظر انة فعلا تمام وماشى سليم !!!!!!!

تساؤل :

هو خلاص الدنيا تمام والامن استتب لدرجة ان الامن من كتر ماهو شايف شغلة بقى يدخل اى مكان حتى لو كان كافية او بمعنى أصح مكان عام .
هل فعلا ليهم الحق فى التفتيش كدة بدون بلاغ والله انا عن نفسى مش ممانع عن التفتيش ولو كان ذاتى اية يعنى طالما فى المصلحة بس ..........
اة بس بشرط يكون بشكل أدمى شوية هو اة مش هايطبطبو على الواحد ويبوسوة بوسة سيما علشان يطمن او هاياخدوة فى حضنهم ويقولولو والله مش هاتحس بحاجة دا تفتيش زى شكة الدبوس لكن يكون بأقل مبدأ من مبادىء الاحترام الأدمى

يا جماعة انا لا اعترض على عمل الامن ابداااااااااااااا وربنا يكون فى عونهم ولكن مش كل الناس سوابق ومش كل البنات عاهرات ومش كل شاب يبقى مش تمام ومش كل ملتحى إرهابى كلنا فى الاول والاخر هانقف بلابيص قدام ربنا نتحاسب فياريت نحاسب نفسنا قبل مانتحاسب وان كنتو اخوات اتحاسبو واتعاتبو وانا بعاتب مش بحاسب علشان انا بحب بلدى اوى وعاوزها احلى بلد فى الدنيا ، فية فوضى فى كل مكان وكل بلد بس العنف مش بيولد الا العنف .

سؤال تانى والنبى :

تجار الكيف معروفين والاحياء الشعبية مليانة طيب متسابين لية ؟!!! دا تساؤل

اماكن العرى وقلة الادب مالية الدنيا ومعروفة ؟؟؟؟؟؟؟؟ متسابة لية

تجمعات الشباب والبنات والذى منة ( كل اللى فى بالكو ) معروفة اوى بقى دى وعلى عينك يا تاجر ؟؟؟؟؟؟ مش بيتعمل معاهم حاجة لية لية ؟..

لية الخوف كدة بقى مالينا ؟ !!!!


ربنا يجازيك يا حاج مدخلتنيش لية شرطة دفعتى دلوقتى كلها نقباء ومتشكر جدا

قعد يقولى لاء لاء انت ولد وحيد أخاف تتبهدل ... أل دلوقتى مش هايخاف لاء خاف اوى بقى خاف خاف وبراحتك اوى يا مان .

ملاحظة :
على فكرة القصة دى خيالية تماما ولست مسؤولا عن تطابق روايتى على أى شخصية حقيقية وماليش دعوة اصلا بأى حاجة محدش ضامن ظروفة

Tuesday, November 27, 2007

الجنـــــــة باب مفتــــــوح


الجنة ... باب مفتوح

مش عارف أبكى ولا أشكى ولا ابوح ولا انوح

نفسى أصرخ وألقى نفسى قلبى خالى من الجروح

نفسى شمسى تطل مرة وتبكى نور يكوى الجروح

عايش حقيقى ولا .. زيى زى طير وحيد مدبوح

جنحاتة والله ماساعدتوش يهرب يكون حر وصبوح

يارب إنت كل اللى لينا بيك حياتنا

نحياها بيك وليك نروح

قوينا يارب فى طريقنا وكون معانا

قربنا منك وأرضى عنا

علشان تعود الابتسامة

واجعل عشنا الجنة باب مفتوح

محمد فوزى

Wednesday, November 14, 2007

جدوى الحــــــياة


جدوى الحــــــياة

ما جدوي الحياة بدون سلم او دماء؟
وما جدوي حياة نعيشها من دون كبر أو غباء؟
وما جدوي أن تعيش عاشقا ... في زمن الغواني والبغاء
لا أري سوي الضجيج والصراخ والعواء
الكل يشكي للنقيض نقيضه
متمنيين أن نعيش حياتنا كل سواء
لا فرق بين الاخذ والعطاء
لكن للحظات اكتشف حقيقه
أن البغاء جاء رساله مفادها معني الحياء
والضد جاء حاملا في نبضه معني السواء
والدين جاء لغايه مفادها ( عدل السماء)
لم يفهم الحكمه يوما الا قليل هم حكماء
مسكين انت يا قارئي فانا وانت علي السواء
قرات مني قصيدتي وخرجت منها بالخواء
اتظن ان قصيدتي كانت غباء
لكن أقرواعترف ان الغباء
أن الغباء مفادهُ

أن أفهم الدنيا التى

تعيشها كل النساء


محمد فوزى

Wednesday, October 24, 2007

سلام يا صاحبى


غدر الاصحاب



موضوع قديم جدا قدم وجود البشر على الارض الغدر لكن بجد محدش يحس بيه اللى عايش فيه
غدر الاخ بأخوة وغدر الصاحب لصاحبه هل الغدر صفه اساسيه موجودة جوة الانسان ؟
طيب لو الغدر صفه اساسيه يبقى الوفاء ايه؟ صفه غير اساسيه يعنى صفه عرضيه ؟
طيب وليه دايما الغدر باين اوى ؟ وليه دايما هو المسيطر والمحرك الاول لافعالنا ؟
يمكن الزمن اتغير ؟ بالتالى شكل الصداقه اتغير شكلا وموضوعا !!!!!!!

الزمن الغريب ؟

يمكن الاقى الراحه فى بعدى عن الاصحاب .....

اولا الحياة مابتقفش على حد دا مبدأ لا هاتقف على ولا عليك ولا عليكى لا فى الحياة الاجتماعيه ولا العاطفيه ولا فى اى مجال ، دى النتيجه اللى وصلتلها


طعنه فى قلب الوفاء :


قال الامام الشافعى

إني صحبت الناس ما لهـم عـدد--- وكنت أحسب إني قد مـلأت يـدي

لمـا بلـوت أخلائـي وجدتهـم---- كالدهر في الغدر لم يبقوا على أحد

وقال على بن ابى طالب رضى الله عنه

تغيرت المودة و الاخـــــــــــــاء وقل الصدق وانقطع الرجاء

واسلمني الزمان الى صديق كثير الغدر ليس له رعــاء

ورب اخ وفيت له بحــــــــــــــق ولكن لا يدوم لــــــه وفـــاء






حسبنا الله ونعم الوكيل .

Tuesday, October 2, 2007

البوحيه


والنبى بوحه


احييك بتحيه البوحيه : صبح صبح يا عم الحاج


دين جديد ظهر او بمعنى ادق خرافه جديدة من تخاريف الناس بسبب انتشار المخدرات ولا ايه لا احد يعلم السبب
بدأ الخبر بأحد الجرائد بذهاب رجل من سكان مدينه الاسكندريه الى السجل المدنى يستخرج بطاقه شخصيه وكتب بداخل خانه الديانه بوحى J طبعا مما اثار ضحك الموظفين جميعا مما اثار غضبه واصرارة على كتابه الدين البوحى بالخانه حيث قال أن الديانة البوحية ترجع بداياتها إلى القرن الرابع الميلادي وهي منشقة عن الطائفة المارونية وتعود شهرتها إلى مارون الذي أقام ديراُ على جبل لبنان وأصبح له أتباع هم الموارنه ثم ظهر يوسف شميس البوحي ليؤسس لهذه الديانة البوحية التي يعتقد أنه نبي وهو الأب الروحي وهو أيضا ، بحسب مزاعمهم ، النور والحياة والهواء وذكر ايضا ان من تعاليم البوحية ،حسب ما ورد في تصريحات الرجل ، أن أتباع هذه الديانة يتزوجون كما يحلو لهم بدون أوراق أو مستندات رسمية ويحرمون اللواط لكنهم يبيحون السحاق !!!! ويتخذون من لبنان قبلة لهم على غرار الكعبة عندنا يعنى لأنهم يعتقدون أن نبيهم توفي ودفن هناك فى جنوب لبنا ن شكلو كان رايح يصيف هناك .
وبعدين يا جماعه هو ايه اى حد يطلع يقول انا نبى وانا معصوم وواحد يقول انا بهائى وانا بوحى وتعدى كدة وشكرا وخلاص هو فيه ايه الناس اتهطلت ولا ايه ، بكرن نصحى من النوم نلاقى الدين الكركرى نسبه الى كركر " ايوة .....ايوة حاضر حاضر حاضر" والدين الكتكوتى " لصاحبه كتكوت ابو الليل بررررررم بررررم تيرارا رارا
كل من هب ودب تطق فى دماغه يخترع دين ويحط له اساسيات لان دينه السماوى مش على هواة او بيطمح فى الشهرة بس على مين هايتظبط دنيا واخرة هو للدرجه دى معادش فيه فهم
فَاعْبُدُوا مَا شِئْتُم مِّن دُونِهِ قُلْ إِنَّ الْخَاسِرِينَ الَّذِينَ خَسِرُوا أَنفُسَهُمْ وَأَهْلِيهِمْ يَوْمَ الْقِيَامَةِ أَلَا ذَلِكَ هُوَ الْخُسْرَانُ الْمُبِينُ سورة الزمر أيه رقم ( 15 )

قُلْ أَغَيْرَ اللّهِ أَتَّخِذُ وَلِيًّا فَاطِرِ السَّمَاوَاتِ وَالأَرْضِ وَهُوَ يُطْعِمُ وَلاَ يُطْعَمُ قُلْ إِنِّيَ أُمِرْتُ أَنْ أَكُونَ أَوَّلَ مَنْ أَسْلَمَ وَلاَ تَكُونَنَّ مِنَ الْمُشْرِكَينَ (آية 14) من سورة الانعام
قَالَتْ رُسُلُهُمْ أَفِي اللّهِ شَكٌّ فَاطِرِ السَّمَاوَاتِ وَالأَرْضِ يَدْعُوكُمْ لِيَغْفِرَ لَكُم مِّن ذُنُوبِكُمْ وَيُؤَخِّرَكُمْ إِلَى أَجَلٍ مُّسَـمًّى قَالُواْ إِنْ أَنتُمْ إِلاَّ بَشَرٌ مِّثْلُنَا تُرِيدُونَ أَن تَصُدُّونَا عَمَّا كَانَ يَعْبُدُ آبَآؤُنَا فَأْتُونَا بِسُلْطَانٍ مُّبِينٍ " سورة ابراهيم ايه رقم: ( 10 )


وانشاء الله المرة الجايه ربنا يعينا علشان نجيب الادله العقليه على وجود الله للى دماغه مش فيه


وَاتَّبِعُوا أَحْسَنَ مَا أُنزِلَ إِلَيْكُم مِّن رَّبِّكُم مِّن قَبْلِ أَن يَأْتِيَكُمُ العَذَابُ بَغْتَةً وَأَنتُمْ لَا تَشْعُرُونَ


وربنا يهدى العاصى

Tuesday, September 18, 2007

Sunday, August 26, 2007

مع نفسى بقول




العدم

خطيت كل الحدود
وقابلت كل شىء له صوت ووجود
وقلت للعدم
ناقصك وجود وحدود
ارسم طريقك بأيدك
وكون وجود موجود
يا عدم ازاى تكون موجود
الا ان تكون ليك بصمه
فى الموجود

_____________________________________________________

يا قلم

يا قلم هز الورق بالكلام

عاجبك ورق فاضى

بكلام اوهام
عاوزك تخط بحبرك
كلام
مايخافش من0 100 كرباج ولجام

______________________________________________________


يا أمل

خليك معايا يا أمل خليك
دا انا ماشى بخطى مرسومه
من بعديك
ازاى تسيبنى لوحدى
امشى بخطى ضايعة
دا انا قلبى كان فرحان
وخطاة متونسه بيك

محمد فوزى

Wednesday, August 15, 2007

عزيزة


محدش فينا مش بيحب مصر كلنا بنحبها واكتر واحد بنحس انه بكتب عنها وهو دايب فيها شوق زى واحد بيتغزل فى حبيبته واكتر كمان هو شاعرنا الجميل احمد فؤاد نجم ( النجم ) ساطع دايما فى سماء العشق الصوفى للوطن اتأثرت بيه فى اخر كتاباته وهى ( عزيزة ) ويقصد بيها مصر استفزتنى كلماته الجميله وكتبت وندهت على عزيزة معاة ودا نص الكلام

دى عزيزة بتاعه عمى ( احمد فؤاد نجم )
دوقينا يا عزيزةحته من مصر العزيزة
حتى لما بتبقى شايفه وعامله خايفه بالغريزة
هى دى مصر اللذيذة ودوقينا يا عزيزة

دوقينا بالامارة لما يمشو الناس حيارى
والوطن يسكن عمارة
والعمارة تبقى حارة
والحوارى ... ياما فيها ... واللى فيها مش كافيها

بس لما الوعد يحكم ييجى عاليها واطيها
هى دى مصر اللى باقيه بالغريزة يا عزيزة
احمد فؤاد نجم


______________________________________________________

ودى عزيزة لما انا كلمتها

يا عزيزة جاوبى عمى على الكلام
ودوقينا كلنا.... كدة بالتمام
ودوقينا .... ومتخافيش وحطى صورتى على الافيش
وقولى هو اللى قالى .. لأى ظابط او شاويش
ومتخافيش .. ياعزيزة سيان اموت ولا اعيش
بس ادوق مرة واحدة طعم بلدى
وبعدها مش فارقه لحمه او قريش
ومتخافيش

بعدك انتى والله حاسس من زمان مابشتهيش
حاسس انك ضايعه منى .... اوعى يوم ماترجعيش
وياعزيزة صدقينى ... ياعزيزة
حبك اقوى من الغريزة وجاوبى عمى يا لذيذة
يا عزيزة


محمد فوزى

طبعا محدش يقارن كلامه بكلامى انا لسه مجرد طفل بزحف وبحبى فى محراب حب شاعرنا الكبير
ليه منى الف تحيه وسلام

Tuesday, July 31, 2007

انـــا والنــــاس



انا والناس

وحيد... مع انى بين الناس

وكأننا بنتلاقى... لكن بغير احساس

وحيد وبين ضلوعى كلام

ضايع فى وسط زحام

و ألام وراها ألام

ولا حد يسأل ليه .... تهرب كدة الاحلام !

ولا حد يوم دور... ولا حد يوم فكر

يفهم ويتصور

يقرا كتاب اليوم او حتى يتغير

وليه هنتحير... ولمين هانتغير!

لو كلنا خايفين نتلاقى ونفكر

لو كلنا قايلين قسمه ومتقدر

عايشين سوا مع بعض لكننا شاردين

ما الحب مات مافضلش الا صراخ وانين

ولا حد يمسح دمعه ولا يوم سألنى انا مين !

انا عشق كل حبيب انا حب لكنى غريب !

تايه فى وسط حبايبى وشمسى وسط مغيب

انا رحله فى الايام انا ضحكه الاحلام

مولود بشوق وغرام لكن مكانهم فين !

مولود انا فى الغربه والناس قلوبهم صعبه

ماتعرف الا القسوة

وانا قلبى راسم رسمه

وردة وطفل وبسمه

من الحزن والقسوة

احلامنا شافت ويل

ماهى حلم قلب عليل

محتاج لنسمه ليل

محمد فوزى
























Tuesday, July 24, 2007

معايا ولا مش معايا


معايا ولا مش معايا

مش فارقه تبعد عن هوايا

ضحيت كتير فى سنين صبايا

واخترت اعيشلك للنهايه

اخترت اعيشلك ويا نفسى

ويبقى همسى وكل شمسى

ويبقى امسى ...... صمتى وُبكايا

معايا ولا مش معايا
.............
اوعدك فى هواك معايا

اوعدك هاتكون حكايه

اوعدك هاتكون بدايه
.............
اوعدك بهواك هاتبقى

جوة قلبى فى كل دقه


وعمر يوم شوقك مايهدى

من هواك احلامى شاردة

معايا ولا موش معايا
...........
ولو معايا هاتبقى سِكة

طول طريق عمرى اللى عدى
................
ولو معايا هاتبقى رحله

نمشيها... وتكون البدايه

محمد فوزى

















Thursday, July 12, 2007

ضاع الاخلاص

بس خلاص ..... ضاع الاخلاص

كل شىء فى حياتنا خلاص

مافيهوش اخلاص

اخلاص ... ماخلاص دى كلمه قديمه وراحت

مالهاش اى اساس
الدنيا بتفوت احلامنا بتموت

مش فارقه الدنيا بتجرى...

ولا حتى الوقت يفوت

اخلاص احساس وكل معانى الدنيا

خلاص
ضاعت بين الناس

احساس ما خلاص
دا كمان برضو مالهوش مطرح... بين الناس
والناس .. تتصور ... عايزينا نتغير
ونتوة.. وندوروالله دى حاجه تحير
دا طريقنا منا يفوت
والحيرة ... جوانا
ماخلاص... يا هوانا
اخلاصنا وحيد جوانا
مكبوت مالهوش صوت
واهوعايشين
مش فارقه ولا حتى نموت

محمد فوزى







Tuesday, July 3, 2007


ركبُ الخطايا

سائرً ركبُ الخطايا

حامل ً ذنب البرايا

ماضيا ً اروى الحكايه

امل ًًٌُُُُ حسنٌ النهايه

جاثيِا ً ادعو الرحيم

باكياً ذنب ٌُُ عظيم

نادمٌ ابغى الكريم

رحمه ٌ صِفة َ الرحيم

سائرً ابغى الجواب َ

والدعاء َ المستجاب

باكيا ً خوف ُ العذاب

راجيا ً حسن ُ المأب

والصراط َ المستقيم
محمد فوزى



Sunday, June 24, 2007

افلا اكون من الشــــاكرين


افلا اكون من الشاكرين


الانسان دا سبحان الله بجد مايميلاش عينه غير التراب ، فعلا ليه مش بنقول الحمد لله فى السراء والضراء؟

ليه نتمنى اشياء واشياء ونحلم، ولما ربنا يحققهالنا منشكرهوش على عطاياة الجميله اللى بيمن بيها علينا.

نتمنى نكبر وبنكبر ومنشكرش، نتمنى ننجح وبننجح ومانشكرش ، بنتمنى نشتغل ونبقى يااااااااة هانتجنن ونعيش حاله

احبااط، وبيكون امتحان من الله لينا على الصبر ، وننساة ، طيب ماندعى ونبتهل ونبكى فى حضن ربنا واحنا بنصلى
ونتمرمغ من البكاء ذلا امام الله،بس اللى بيحصل العكس بنشكى لغير الله ودا قمه المذله، الشكوى لغير الله مذله .

اة يبقى البكاء لله مش ذل ، بالعكس هو رجاء.. تبتل... ابتهال... مناجاة... حاله بنعيشها وبنكلم فيها ربنا ، وبنطلب منه

، حد يعرف ان مناجاته لربنا نوع من انواع الاتصال الروحانى بنقرب من ربنا اوى فى اللحظه دى وخصوصا

واحنا ساجدين لربنا، بنقرب منه جدا جدا ( واذا سألك عبادى عنى فأنى قريب اجيب دعوة الداعى اذا دعانى فليستجيبو

لى وليؤمنو بى لعلهم يرشدون ) دى رساله من الله لينا علشان نكثر من الدعاء ولا نتوسل بغير الله لان الله هو العزيز

القادر الذى قالى فى محكم تنزيله ( ولئن شكرتم لازيدنكم ) يعنى ندعى ونبتهل ونتوسل بالله فقط وايضا نشكر الله على

السراء والضراء ، وطبعا كلنا واخدانا دنيتنا وبننسى وبنلعن اليوم اللى اتولدنا فيه وبنشتم الدهر ولكن ما الدهر الا الله


حاله غريبه: حاله غريبه بتتملكنى الايام دى احلام كتير حلمتها طول عمرى ولما تتحق ليه مش حاسس بالسعادة؟


مثلا كان عندى امل انى امضى ثلاث عقود عقد الشقه وعقدالوظيفه وعقد الزواج ومؤخرا حققت منهم اتنين اللى هما

عقد الشقه وعقد الوظيفه اما الثالث فبسعى لامضاءة بفضل الله وربنا ييسر ،ولكن ايه سبب عدم الفرحه والبهجه اللى حاسس بيهم

حاليا ؟ ايه سر عدم لامبالاتى يوم ماكتبت عقد الوظيفه اللى طول عمرى بحلم بيه وانتظرت 6 سنوات بعد التخرج

علشان امضيه وايه سر عدم فرحتى بعقد الشقه بعد ما دخت فى رحله البحث عن شقه او مسكن ؟ الله اعلم


بشكر ربنا اة طبعا لانه وقفلى ناس طيبين فى سكتى ساعدونى ، بس ليه بقى الفرحه ماتكتملش سبحان الله ..... نعمه

الشكر والرضى دى نعمه كبيرة جدااااااا جدااااااااا يارب نولهانى يارب واجعلنى من عبادك الشاكرين الحامدين

الذاكرين كنت زمان بقول يااااااااة حلمى دا لو اتحقق دا انا هابقى اسعد مخلوق على الارض انا برضى بقليلى ... طيب

دلوقتى ايه اللى حاصل ؟
مش فرحان ليه مش يمكن المسؤليه لما تزيد الانسان بيخاف يفرح ؟

يمكن خايف من اللى جاى لانه اصعب ؟

خايف من الخوف فى حد ذاته ومش عارف ايه السبب ؟

يمكن انا موهوم وواهم نفسى بحاجات مش موجودة .؟

يمكن يكون ربنا بيمتحنى وبيقولى افرح واشكر غيرك موش لاقى ؟

حققت جزء كبير من احلامك ( قد يرى البعض احلامى اشياء لاتذكر لكونها ضئيله ولكنها عندى اشياء هائله الحجم لاننى تعبت فى تحقيق ادق التفاصيل فى احلامى )

يمكن دى طبيعه بشريه فى الرغبه فى المزيد الرغبه فى الامتلاك ؟

قال تعالى فى حديثه القدسى ( لو ان لابن أدم واديا من ذهب لاحب ان يكون له ثانيا ولو كان له ثانيا لاحب ان يكون له ثالثا ولا يملأ عين ابن أدم الا التراب ويتوب الله على من تاب )
يمكن الضغط العصبى اللى بتعرض له سبب ؟

الله اعلم ولكنى بحاول اكون من عباد الله الشاكرين ( ولئن شكرتم لازيدنكم ) صدق الله العظيم

الحمد لله على نعمه التى لاتحصى .

يبقى نحاول نرضى كلنا بمقسومنا ونشكر ربنا على النعم ونسيب اللى جاى لصاحب الملك هكذا قررت عدم الخوف بما قد سيأتى ، وسوف ارضى وسوف اكون من الشاكرين بحق .

محمد فوزى

Monday, June 18, 2007

وصلنا لفين ؟


الموضوعيه ( التدوين والموضوعيه )

تعريف الموضوعيه بأسلوب سهل وبسيط هو قيام الانسان بتفهم كامل لحريته وامتلاكها ومن تفهمه لحريته هايقدر يحكم على اى شىء فى الدنيا بدون اى تحيز او بدون اى هدم بمعنى مثلا

ناخد مثال على التدوين : التدوين دلوقتى شىء جديد دخل حياتنا وخاصه لاصحاب المواهب اللى موش عارفين يظهروا مواهبهم للناس لاسباب كتير عدم اهتمام الناس بالمواهب دا غير صعوبه اظهار الموهبه سواء على المستوى الاعلامى او بينا وبين بعض كشباب ، طيب دلوقتى اصبح الوضع مختلف اصبح بعد انتشار الانترنت ببشاعه وسهوله تقصى الحقائق والمعلومات وسهوله عمل مدونات وفى ظل الحركه الجديدة دى حصل ايه

بدايه التدوين ونهايته؟

تعالو كدة نشوف ممكن يحصل ايه

عملنا ايه بالتدوين ؟

هل استخدمناة استخدام جيد ام استخدام سىء ؟

هل قلنا اللى جوانا بجد ولا تعليقاتنا كانت من باب المجامله علشان اللى انا داخل اسيب عندة تعليق يدخل ويسيبلى تعليقه , وطبعا مستنى تعليق حلو يشرح القلب ومايعارضنيش فى اى كلمه قلتها ولو كانت مالهاش اى لازمه ؟

اتكلمنا بموضوعيه بجد ؟ ولا خفنا من بعض موش لازم من حد يعنى ؟

هل كل المدونات هادفه ولا نصها هادف ونصها هايف ؟

مين أثر فينا بكتاباته ومين جاملناة ؟

اسئله كتير شاغله بالى

ممممممم اة عذرا لانى موش مرتب افكارى انا بتلقى كل الافكار اللى بتمليها على دماغى حاليا

فيه ناس بجد عملت مدونات بتتكلم فى اى حاجه وفى كل حاجه ومش عارفه هى عملتها ليه ، وماله بس ليه مانخليش لينا هدف ! ناس كتير ما سألتش نفسها انا قررت اعمل مدونه ليه ؟.

طيب بموضوعيه شديدة انا شفت ناس بتكتب حلو جدا جدا جدا لكنها بتتجه اتجاهات غريبه وحصرت نفسها داخل اتجاة معين وبجد صعبان على موهبتهم جدا ا لانهم بيتجهو اتجاة مش تمام مش قاصد اتجاة سياسى او دينى يكون سىء لاء بالعكس

اتجاة حياتى اوى دنيوى اكتر من اللازم يعنى خلى ليك ميل واتجاة بس مش داخل تشتم فى حد تانى وخلاص بمعنى : مثلا ست مش طايقه جوزها داخله تشتم الرجاله وصباح التصفيق الحار والله عليكى ياست وكسبتى بالضربه القاضيه او راجل يشتم الستات او واحد عامل مدونه مقرفه على حد تعبيرة هو شخصيا برغم ان كتابته حلوة وفكرة جميل الا انه عامل مدونه حبا فى القرف ، وواحد بكتب وفرحان انه بيكتب وهو عامل دماغ ولو حد عارضه يبقى ضيع الدماغ ، وناس داخله وظيفتها التصفيق الحار لا ليها رأى ولا اى حاجه بيهتف للهتاف فقط
وواحد ساب التدوين خالص وزهق من الناس ، وناس تقول مدونه نضيفه ومدونه غير نضيفه ، وتاجات رايحه جايه بالهبل لناس من ناس مجامله تحس ان انت قاعد فى فرح شعبى وواحد بيمسى عليك بحجر معسل ولازم تشربه ، وبنات و شباب فاضيه من جوة .

المحصله: دلوقتى بجد فلترنا المدونات وعرفنا مين هايعيش ونفتكرة ومين مش هانعتب باب بيته او مدونته، ناس هاتقولى انت مين علشان تصنف المدونات اقول انا من حقى لانه رأيى وانا حر زى ما انت حر تدخل او ماتدخلش عند اى حد .

بجد يا شباب كلنا هربنا للمدونات علشان نتناقش ونتكلم ونتفاهم ونتخاصم ونتصالح ونختلف فى الرأى بس لما يكون فيه رأى، عاوزين نخرج من اللى بنشوفه برة ياريت نبعد عن التزييف وعن التصفيق وعن الطبطبه علشان تعيش المدونات وتكبر ونكبر معاها بعقولنا وبفكرنا عاوزين نتكلم فى موضوعات مهمه نهزر نضحك نفضفض بس يكون عندنا فكر ثقافه نعلم بعض نتجمع ونتقابل ونعمل حفلات
ايه المانع ، عاوزين ان المدونات تكون مكان محايد لا فيه اتجاهات ولا اغراض غير غرض واحد حبنا للعلم للمعرفه للفضفضه
وحبنا كشباب لبعض نفيد بعض ونفيد اللى هايقرأ ، وتحياتى لكل انسان بيكتب موضوعات تفيد وتهم كل انسان، تحياتى لكل انسان وانسانه فكر وتعب وكتب موضوعات بجد اضافتلنا شىء ، بجد انا بتعلم من ناس كتير على المدونات
افكارهم حلوة وارأهم جميله ويارب يارب من احسن لاحسن .

محمد فوزى

Monday, June 11, 2007

مسرحيــــــــه


مسرحيه

مش بحبك ايوة قلبى حبها

ومحتاج لها .... وعمرى ما ابعد عنها

ليه أحبك ! ..... وانتى خنتينى زمان

دلوقتى جايه تكلمينى عن الحنان

دلوقتى جيالى عشان ...

ارجع الماضى اللى كان

ايام زمــــان

فينك انتى وفينها هى

حبها مكتوب فى قلبى وفى عينى

وحبها راسم حياة مخلوقه لى

اما انتى كان حنانك مسرحيه

مكتوبه لى ..... علشان اكون لك الضحيه

علشان اكون لك زى لعبه تتسلى بى

وتكون نهايتى مأساويه

محمد فوزى

Sunday, June 3, 2007

ستــــاير العمر


ستاير العمر

شدو ستاير العمر

دا زمانا بينا يعدى

احلامنا بينا تمر

شدو ستاير العمر

مكتوب علينا نشوف

الفــــرح ويا المر

وشدو ستاير العمر

دا العمر كان رحال

زى اللى قالى موال

جواة سؤال ومازال

عن الحنين والشوق

والرحله والترحال

يخلص مايلقى جواب

وينادى على الاحباب

ويقولو ليه ..... دا رحيلنا

كان ليه معاد وحساب

وشدو ستاير العمر

دا زمانا بينا يعدى

احلامنا بينا تمر

و رفيقنا فى دنيتنا
دا رفيقنا

كان ضحكتنا

والاشتياق والصبر

وشدو ستاير العمر

دا زمانا بينا يعدى

احلامنا بينا تمر

محمد فوزى

Thursday, May 24, 2007

لما حبيبتك تبعد عنـــك

لما حبيبتك تبعد عنك

غصب عنها وغصب عنك

وتلقى دموعها بتلمس خدك

وتبقى وحيد فى الدنيا بقلبك
..............

يبقى العالم واقف ضدك

تبقى مشاعرك سر تعاستك

تبقى دموعك، المك، جرحك

دول اصحابك ..... يبقو ملامحك

تبقى حياتك شكلها ايه ....
ومين فى الدنيا

هايتعب قدك

عايش وحدك !

ويبقى الحزن مغطى ملامحك

لما حبيبتك تبعد عنك غصبن عنها وغصبن عنك



محمد فوزى
اهداء الى صديق





Tuesday, May 15, 2007

وقالو عن الـــــرجل




و قالو عن الرجل
من اجل الانصاف نعرض الاراء والافكار كما قيل عن المرأة قيل ايضا عن الرجل .
قالت بعض النساء عن الرجل الشرقى :-
انه شهوانى، يبحث عن حب الجسد انه فنان لكنه لايفهم الا فن( الرقص التعبيرى ) الذى يقوم اساسا على الجسد فهو لا يفهم غيرة ، انه يبدع ولكن منطقه ابداعه تكمن فى تلك المنطقه التى قامت عليها الحضارات وانهدمت ( الفراش او المخدع ) ، قالو عنه انه( الراعى والنساء) لايكتفى بواحدة لايهتم الا بشهوته اليوم وكل يوم ، قالو ان الرجل لايهتم الا بأبراز رجولته المختبأة ، لايهتم بملبسه الا حينما تكون بحياته امرأة ، لا يشم له رائحه الا رائحه العرق ، او رائحه عطر النساء التى تزكم الانوف والذى الذى قام بممارسه رجولته امامهم ، لاترتسم بسمته الا حين يذوق طعم الشفاة ،
لا يلقى بكلماته المعسوله الا قبيل مطارحته للغرام ، قالو انه لاعب بهلوانى على الاجساد النسائيه !

شرقى همجى وحش بدائى بدوى غير متحضر غير متمدن !

وحش يبحث عن طريدة طالما يحس بالجوع بالظمأ لا يشبع ، يهوى نهود الغزلان ولحمها يأكلها يعتصرها

يتجرعها يلعق دمائها يحطم عظامها يسحقها هذا هو الرجل الشرقى تحديدا ، وكأن الرجل الغربى مختلف او محترف ! !
او كما قيل ( الاختلاف نخدمك باحتراف )
يملك مفردات الحب والعشق يملك مالايملكه ذلك الهمجى الشرقى ! يملك الحضارة اما الشرقى لايمتلك سوى الحقارة وسوء الادارة ، ولكن تمنيت ان تعاشروا ذلك المتمدن المنمق ظاهريا ، ذلك الرجل الذى لا يأكل بيديه بل بالاته الحادة شوكته وسكينه كنوع من الاتيكيت انما هم ليسو سوى اظافر مسنونه يجملهما ويظهربمظهر السيد والنبيل ولكنه ليس الا خيالا نحيلا هزيلا لايرتقى لشرقيتنا ولايجرى بعروقه حميتنا وغيرتنا ، فهوى ليس الا أله تتحرك لتحب وتتحرك لتقبل وتناجى ! أله صنعها الشرقى ، علمها الشرقى فنون الحب ، فكيف تنعكس الحقيقه ويصبح هو الصانع والملهم ! هو أله ميكانيكيه
وضع بداخلها مفردات العشق وسلوا التاريخ ، سلوا الحضارات لقد قمنا وقام الشرق قبل ان يحبو اقدم غربى
تعلم الغربى معنى الحب من شعرائنا تغذل بكلمات باتت قديمه لنا تقنع وارتدى ما خلعناة عنا ، والان نبذ الشرقى
من المضاجع اصبح وحيدا يهان فى الكتب والمراجع ، من نساء لم تعرف معنى الحب لانها لم تعرف الشرقى ، لم تعرف حياءة او كبريائه
فلكم منا العذر حتى تعلموننا حتى تحسوننا ، وحين تدركونا ستندمون على ايام قضيتموها فى الوهم فى الحب السرابى



ليس هذا هو الرجل الشرقى

لست انا ممن يلهثون وراء الجنس

لست انا ممن يبغون مفاتن الجسد والحس

فأنا لست بشيطان ولكننى من الانس

أأنس مع الحب واحب الهوى لذاته

ولست ممن ينادون بشهوة الجنس

انسان عاشقا .... لملهمه متفردة اعيش لها وحدها

واترامى فى احلامها تعتصرنى مادامت

لى وبى تحس .

اوليس عيبا لو افتقرت لرجولتى !

اوليس انصافا لو اعترفتى بأهميتى !

فكيف اللوم يكون على امتلاك الرجوله

فى زمن الهرم والكهوله

هبه من الله لا لوم فيها
لو كانت ...

من اجل من احببتها ولم تحبنى بسهوله

فالرجوله الشرقيه ليست بالفحوله

او عضلات مفتوله

انما هى عشق وهوى ودرب

من الحريه المسؤوله

نعطيها لنسائنا فى لحظات من الحنان

والاطمئنان بأنها لنا انثى

و لا تتحلى بالرجوله

شرقيتى صارت اليوم عيبا

وغربيتى لو تنادى بالكفر تكون بالمقبوله !

فيا امرأتى تعالى معى نستعيد بأنفسنا

ماضاع منا قبل ان تدركنا سكرات موت الحب

ونصبح من ايامنا محض ذكرى مقتوله


محمد فوزى .






Wednesday, May 9, 2007

قالو عن المرأة


قالو عنها
يقول الرسول اللهم صلي وسلم عليه(الدنيا متاع وخير متاعها المرأه الصالحة)
ويقول الرسول اللهم صلي وسلم عليه(ما أفلح قوم ولوا أمرهم امرأه)ويقول الرسول اللهم صلي وسلم عليه (رفقاً بالقوارير(يقول الإمام علي رضي الله عنه : المرأة شر كلها وشر مافيها أنه لابد منهاوقالوا في المرأة
أغبى امرأة تستطيع أن تخدع أذكى رجل
المرأة قد تصفح عن الخيانة ولكنها لا تنساها
قلب المرأة لؤلؤة يحتاج لصياد ماهر
سقراط :عبقرية المرأة تكمن في قلبها
المرأة لم تخلق لتكون محط إعجاب الرجال جميعابل لتكون مصدر لسعادة رجل واحد"اتيان راي"
عندما تبكي المرأة تتحطم قوة الرجل"شكسبير" -
الرجل لا ينسى أول امرأة أحبها والمرأة لاتنسى أول رجل خانها"حكيم"-
أحسن طريقة لتجعل امرأة تغير رأيها هو أن توافق عليهالشيطان أستاذ الرجل وتلميذ المرأة
المرأة مثل العشب الناعم ينحني للنسيم ولكنه لاينكسر للعاصفة
المرأة الفاضلة تلهمك...........والذكية تثير اهتمامك...............والجميلة تجذبك............. والرقيقة تفوز بك

ستظل المرأة لغزا مجهولا في الوقت الذي يعتقد الرجل أنه قارد على حلهقال الشاعر يصف حياء المرأة واحتجابها:من الأوانس مثل الشمس لم يرها في ساحة الدار بعل ولاجار
حياة المرأة كتاب ضخم مكتوب على كل صفحة من صفحاته كلمة .......... حب"شوبان"
المرأة زهرة لايفوح اريجها إلا في الظل"لاينباي"اهرب من المرأة تتبعك اتبعها تهرب منك"فيلسوف"-
المرأة كالزهرة إذا اقتلعت من مكانها تتوقف عن الحياة"شكسبير"-
قال بشار بن برد على لسان جارية حسناء:قالت ولاذنب لي إن كنت جارية قد خصني بالجمال الخالق الباريإذا بديت رأيت الناس كلهم يرمون نحوي بأسماع وأبصارقتلت من كان قدامي بحسرته وجن من كان خلفي عند ادباري
تظل المرأة في سن العشرين حتى آخر لحظة من حياتها -
تعلمت المرأة من الحياة الرقص والغدر وطول اللسان -
تشعل المرأة النار بابتسامتها وتحاول عبثاان تطفئها بدموعها

لاتكون المرأة اما بولادتها .... بل بتربيتها لأولادها-
المرأة بلافضيلة كالوردة بلا رائحة
آخر ما يموت في الرجل قلبه........ وفي المرأة لسانها
قلب المرأة هو أسرع الأنسجة للكسر وأسرعها للالتئام
متى أطفأت الشموع تساوت النساء جميعا-
لو جردنا المرأة من كل شيء لكفاها شرف الأمومة-
أذكري أيتها المرأة : أن جمالك حر طليق إلا من قيدين كلاهما اجمل من الآخر" العفاف" و "الشرف"
وقال عنها انيس منصور
المرأة قلعة كبيرة إذا سقط قلبها سقطت معه"انيس منصور"-
مراه فشلت في الحب ثم تبحث عن حب جديد‏:‏ انها لا تعرف الحب‏ من كل صفات المراه اكذبها‏:‏ انها الجنس اللطيف‏!‏ ‏حتي عالم النفس العظيم فرويد خدعته النساء‏ اذا بكت المراه فليس ذلك دليلا علي اي شيء‏..‏ فعندها نشاط في غددها الدمعيه‏ الخداع والكذب والغرور‏:‏ ليس عملا واعيا عند المراه‏..‏ انها الغريزه‏ من يمشي وراء المراه‏,‏ لاتمشي امراه وراءه‏ تحبها كثيرا تحبك قليلا‏,‏ تكرهها قليلا تكرهك كثيرا‏ من راي المراه ان لكل رجل غلطتين‏:‏ كل مايقول وكل مايعمل‏ ‏ينفتح قلب المراه لمن يدق عليه كثيرا‏ ‏الذي يقول‏:‏ علمتني الايام والليالي يقصد المراه‏ ‏عندما تصبح المراه اما لاول مره‏,‏ فهي انثي لاخر مره‏ ‏لا اكتشاف نظريه النسبيه ولا اكتشاف قوانين الجاذبيه ولا الجدول الوراثي كانت وراءها امراه‏ ‏الرجل هو الجنس اللطيف والمراه هي الجنس يالطيف‏ ‏امراه تنتقل بسهوله من حب الي حب‏..‏ لاتعرف الحب‏ سر جمالها‏:‏ ان وضعت الصدق علي شفتيها‏,‏ والرقه علي لسانها‏,‏ والحنان في اذنيها‏,‏ والرحمه في يديها‏,‏ والحب في قلبها‏,‏ والاستقامه لقوامها‏..‏ والتسامح مع من يكرهها‏..‏ فاين هي؟‏ المراه العامله‏:‏ انثي احيانا ورجل معظم الوقت‏ اسرع وسائل الانتشار في العالم‏:‏ التليفزيون والانترنت والتليفون‏..‏ والمراه‏ صعب ان تكون لها ساقان جميلتان ولاتكشف عنهما‏ مخيف‏:‏ جيش من النساء يقوده رجل‏..‏ مخيف جدا‏:‏ جيش من الرجال تقوده امراه وراء كل رجل ناجح امراه‏,‏ ووراء كل رجل ناجح ثم فشل‏:‏ امراه اخري‏ المراه زجاجه دواء‏:‏ هزها وتفرج عليها ثم لا تشربها‏ ‏لن تندم كثيرا اذا احببت اي شيء غير المراه‏ ‏نمله واحده تستطيع ان تفسد جبلا من السكر‏ ‏المراه عندما تطلب النصيحه‏,‏ فانها تريدك ان توافقها علي رايها‏ ‏المراه العامله مثل حيوانات المعامل‏:‏ اكبر دليل علي ان النوم ليس ضروريا للانسان‏ فرق كبير بين ان تحبها لانها جميله‏,‏ وان تكون جميله لانك تحبها‏ المراه التي تعتقد ان احدا من الرجال لايستحقها يمكن معها حق ولكنها سوف تنتظر طويلا‏ ‏ نحن نلتفت الي جمال المراه‏,‏ لانها نظرت الينا‏ اذا امسكت المراه لسانها لحظه واحده وفرت علي نفسها سنوات من الندم‏ وراء كل نجاح‏:‏ امراه‏..‏ ووراء كل فشل‏:‏ امراه اخري‏ ملكات جمال الكون‏:‏ كلهن من كوكب الارض‏ المراه تفضل القطط علي الكلاب‏:‏ لانها لا تطيع ولانها تبقي طول الليل خارج البيت والرجل يحب الكلاب لانه يجد فيها ما لا يجده في المراه‏ المراه قد ترفض دينك ولكنها لا ترفض حبك‏ انها مغروره جدا‏...‏ فقد فشلت كثيرا‏ الفرق بين المراه والكمبيوتر انه اذا اخطا لايلقي باللوم علي الزوج‏ هناك ثلاثه انواع مختلفه من النساء‏:‏ الحبيبه والزوجه والحماه‏ اخر مايموت في المراه‏:‏ لسانها‏ كثيرون يقولون انهم فهموا الرجل‏.‏ كثيرون جدا يقولون انهم لم يفهموا المراه‏ يظلم المراه من يقول‏:‏ انها تكذب‏..‏ يظلمها اكثر من يقول‏:‏ انها لاتكذب‏ يسعد المراه من يقول لها‏:‏ انت قمر‏,‏ مع ان للقمر وجهين فقط‏ امراه مغروره‏:‏ رجل الا قليلا‏ اسوا مافي الحب‏:‏ المراه‏ انت حزينه‏..‏ كل ما ينقصك هو فيتامين‏:‏ انا‏ صدقني‏:‏ لا تصدقها‏ . هناك طريقتان لمناقشه المراه‏:‏ كلتاهما بلا نتيجه‏ لم يعرف المراه من عرف الف امراه‏ والله تعبنا مع المراه‏,‏ فلم نعرف لوجودها حكمه‏ النساء ثلاثه انواع‏:‏ واحده قابله للحب‏..‏ وواحده غير قابله‏..‏ وواحده تحب‏ المراه تحب الرجل الذي لا يتكلم‏..‏ انها تظن انه يستمع اليها‏ ‏اكبر دليل علي ان المراه تعيش في العصر الحجري انها تفضل من يخطفها علي من يتقدم لها‏ . ‏تريد ان تقضي علي امراه فعليك بامراه اخري‏. ‏اذا تحدثت اليك فانظر الي ماتقوله عيناها‏ كوني جميله بعض الوقت‏,‏ عاقله معظم الوقت‏..‏ محترمه دائما ان استطعت‏ ز من تؤكد دائما انها انثي‏,‏ غالبا ليست كذلك‏ . هناك فرق بين المراه والكمبيوتر‏:‏ اذا اخطا الكمبيوتر فانه لا يلوم احدا غيره‏.الفتاه تفضل ان تتزوج رجلا مثل والدها وهذا هو سر بكاء الامهات ليله الزفاف‏
هوميروس يقول
أيتها المرأة ليس في الدنيا شيطان أكثر خسة منك
سقراط يقول
المرأة مصدر كل شر -
أفلاطون يقول
شكراً لأنني خُلقت حراً لاعبداً , و رجلاً لاإمرأة
يوليوس يقول
مادموع المرأة إلا توابل للخبث والمكر
بلزاك يقول
إن المرأة عندما تهتم بزوجها تكون كرجل لمباحث تبحث عن آثار جريمة تظن أنه ارتكبها
لامرتين يقول
المرأة كتاب أبدع فنان رسم غلافه فبدا فتنة للناظرين ووضع مقدمته شاعر فجاءت باسمة كالزهر في الربيع وكتب الشيطان فصوله فكانت خداعا وشقاء وأحزانا-
شوبنهور يقول
المرأة حيوان له شعر طويل وآراء قصيرة سلحتها الطبيعة بالمكر والخداع لأنها حرمتها النبوغ والعبقريه-
جوته يقول
يجب على المرأة أن تتعلم منذ حداثتها القيام بدور الخادمة الذي خلقت له
شو يقول
من حسن حظي أنني في عالم يحكمه الرجال ولولا هذا لكنت أول من فقد رأسه بين ألوف الرجال الذين ستقيم لهم المرأة المشانق في الميادين لإعدامهم بالجملة
بيرلوتي يقول
المرأة تحتفظ بالأسرار التافهة لتحصل بها على الاعترافات الخطيرة من صديقاتها ثم تنفك عقدة لسانها وتذيع على الملأ-روسة يقول
الرجال يعيشون حياة أفضل بدون نساء , أما النساء فلايمكن أن يعشن حياة أفضل بدون الرجال
صوت الحب عند المرأة . . أقوى من صوت الضمير . . "جان جاك روسو"
النساء وُجدن لنحبهن . . لا لنفهمهن . . "أوسكار وايلد"
أول الحب عند الفتى . . الحياء . . وأوله عند الفتاة . . الجرأة . . "فيكتور هوجو"

أوفيليا: إنه قصير يا سيدي هاملت . . كحب المرأة . . "شكسبير"
إذا لم تستطع أن تظفر بحب امرأة ما . . فاملأها إعجاباًبنفسها وحباً بذاتها. .حتى تفيض الكأس . . فما زاد على حافة الكأس فهو لك . . كولتون
الحب: وردة . . والمرأة: شوكتها . . "شوبنهاور"
عندما تكره المرأة رجلاً لدرجة الموت . . فاعلموا أنها كانت تحبهلدرجة الموت . . "مارك توين"
إذا سمعت أن امرأة أحبت رجلاً فقيراً . . فثق أنها مجنونة، أو اذهب الى طبيب الأُذن لكي تتأكد من أنك لا تسمع جيداً . . "برونلي"


المرأة تحب الرجل . . والرجل يحب الله . . "رينان"
من طبيعة المرأة: أن تحتقر الذين يحبونها . . وتحب أولئك الذين يمقتونها. . "جوته"

خلقت المرأة لتحب الرجل . . وتخضع له . . "فولتير"

المرأة لا تَحِب.ولكنها تَحب أن تُحب . "جان جاك روسو"

Sunday, April 29, 2007

راسبوتـــــين الراهـــــب المسكـــــــين


راســـبوتيــــن

وراسبوتين هو مزارع روسي وكاهن تخفى وراء قناع التدين والدعوه الى مبدا ديني حتى استطاع ان يصل الى بلاط القيصر وينعم بالنفوذ والسلطه...وبفضل شخصيته القويه المؤثره,استطاع ان يمسك بزمام الكثير من الامور السياسيه والاجتماعيه وان يزيح من امامه كل من يعترضه وقد ساعده في ذلك القيصر الذي كان يتميز بغموض وبضعف بالشخصيه ونجح ايضا نجاحا على الصعيد الاكثر شعبيه من الصعيد السياسى فى مجاال (النساء ) فقد نجح راسبوتين فى الاستيلاء على قلوب النساء كل النساء بمن فيهن ملكه روسيا ذاتها ، فقد وصل به الحال انه كان الوحيد الذى يدخل عليها فى مغطسها وهى تستحم
وكان يعصر شعرها بين يديه ويقوم بشرب المياة المتساقطه من شعرها برغم انها قد قامت بتجفيف شعرها ! فلقد اصبح راسبوتين الراهب الرهيب هو الرجل الاول فى روسيا باستحواذة على قلب الملكه منذ اللحظه التى قام فيها بشفاء ولى عهد روسيا من مرض مزمن وهو( انه كان عندما يجرح نفسه لاتتوقف الدماء ولا تتجلط) فكان هذا بمثابه هزة عنيفه للعرش فى روسيا فبذلك حصل على طريقه للدخول الى القصر الملكى انذاك وكذلك استطاع دخول كافه المنازل فى روسيا وانتزاع مايحلو له من نساء ....... كل النساء فلم يكن راسبوتين يشبع او تهدأ رغبته بل كان يقيم حفلاته الشاذة وسط الجموع من النساء فلم تكن تكفيه واحدة فى الليله .وقد تم على مدار فتره طويله من الزمن محاولات عديده للاطاحه براسبوتين ولاغتياله لكنها باءت جميعها بالفشل ....فلم يكن من السهل التخلص من ذلك الرجل القوي المخيف فقد نقم عليه الكثيرون من الرجال الحاقدون ممن فقدو نسائهم وتحطموا على صخرة راسبوتين اغرب جريمة قتل !تم التخلص من راسبوتين بطريقه غريبه للغايه مملوءه بالدهشه والاثاره ليست بسبب طريقة الاغتيال نفسها وانما بسبب مقدرة راسبوتين الغريبه على مقاومة الموت وتشبثه بالحياه رغم استخدام اكثر من وسيله فعاله لقتله ،وقد خطط لذلك الاغتيال احد اعضاء البرلمان الروسيىالذي كان يكن كراهيه شديده تجاه راسبوتين..واشترك في التنفيذ مجموعه من الطبقه الارستقراطيهواتفقت المجموعه المتامره على دعوة راسبوتين للاشتراك في حفل ساهروكانت تقضي الخطه بتقديم طعام مسموم لراسبوتين ثم نقل جثته والقائها في احد الانهاروبعدما ذهب راسبوتين للحفل,قدم اليه قطع من الحلوى وشراب تم خلطهم جميعا بالسم(بمادة سيانيد البوتاسيوم) وتناولها راسبوتين....وكانت المفاجأه انه لم يتاثر جسمه بالسماذ ظل محتفظا بحيويته ولم يشكو من اي شىءسوى احساس بسيط بثقل في الدماغ
فكيف يؤثر السم فى تلك المعدة التى اعتادت يوميا على شرب عشرات من زجاجات الفوديكا الروسى المشهورة .وامام ذلك الوضع الغريب اضطر قائد المؤامره الى مجاراة راسبوتين في الحوار لعل تاثير السم يظهر عليه لكن دون جدوى...فاتصل ببقية المتامرين واتفقو على ان يقتلوة وبالفعل وعلى غرة اطلق عليه الرصاص

ولكن الغريب جدا ان راسبوتين لم يمت فأطلق عليه رصاصه اخرى وقامو بسحبه الى احد الانهار المتجمدة وقامو بتقييدة والقو به فى النهر ومن الغريب انه بعدما انتشل رجال الامن جثة راسبوتين من النهر الجليدي اشارت الفحوصات الى انه قد القى به الى النهر وهو مايزال حيا والادهى من ذلك انه قد حاول وهو فى الماء ان يحل قيودة ولكنه غرق فى النهايه .





تعقيب :
هل راسبوتين كان فعلا شريرا اى انه ولد وهو يحمل صفات الشر ؟
ام ان طبيعته لم تكن كذلك ولكنه باع نفسه للشيطان ؟
هل اغوته اشهوة النساء ام شهوة اللسلطه !
بحسب ماجاء فى الروايات التى تذكر قصته
.
فأن راسبوتين الراهب الرهيب لم يكن سوى فلاح كان يعيش على فطرته مع زوجته وابنائه
ولكن يظهر لنا انه رفض حياته الهادئه رفض الخضوع والحياة الرتيبه اراد بكل مايحتمله المعنى من ان يكون له السلطه ان يمتلك يمتلك كل شىء المال والنفوذ والنساء فرحل بعيدا
وحيدا تحالف مع الشيطان ثم عاد مرة اخرى اصبى واقوى واشرس لم يعد كما كان الفلاح البسيط بل عاد كرجل له كرامات ولكنه استغلها على نحو شرير شرس ولكن ما سبب ذلك ؟



راسبوتين الراهب المسكين ... والنساء الملاعيين
يا من خلقت من طين اغرتك قوتك

هل انت حزين ؟

هل راودك الاحساس بالعار وانت ملقى فى نهر

الشهوة والدنس اللعين ؟

هل تعذبت فى قبرك بلا انسان يحزن على

قتلك بدون رحمه اودين ؟

هل نسيت الدين يا سيد راسبوتين


نعم,.....

فلقد تحالفت مع الشيطان اللعين

وغرتك ايادى العهر ايادى تلك النساء الملاعين

فكل نسائك هم من صنعو اسطورة راسبوتين

هم من صنعو هالتك التى تبهر العين

هم من ساعدوك وساعدو الشيطان

على اقامه شعائر من دون دين

هل اعجبك الذوبان فى النساء

الذوبان والارتماء

فى احضان النساء

هل كنت تستمتع بملمس الشفاة ؟

هل ارتويت من ملذات الحياة؟

لقد وصفت لنا عاهرة ممن اعتادت رفقتك

كيف تقبل الشفاة ، كيف تعجنها بين شفتيك

كيف تعصرها بين احضانك كيف تشكلها مثل
العجين .

فها انا هنا أأسف عليك يا مسكين

فانت فعلا مسكين خدعتك النساء

وكنت انت فى النهايه الحزين

غرتك قوتك واغووك بليالى

من الجنس والقبح اللعين

فيالك من مسكين .

اة اة يا راسبوتين لو

كنت رجل صالح او ظللت رجل دين .

محمد فوزى

Wednesday, April 18, 2007

مشكله العنوسه فى مصر المحروســــه

البنات عايزة ايه ؟ ؟ ( عريس على المقاس طول بعرض وابن ناس )

فى ايامنا دى وايامنا الجايه كمان بتختلف مطالب البنات وبتتغير . طريقه التفكير اسلوب الحياة اللوك او الطله

او النيو لوك . اذن اتسائل هل البنات بتدور على الموضه الجديدة ولا بتدور على الفكر الجديد ؟

ولا بتدور على بوى فريند جديد ؟

الله اعلم حاله من التوهان والضياع بتمر بيه البنات الان مش البنات بس الحقيقه لكن كل الشباب

بس البنات اكتر .

الجواز ولا اثبات الذات ؟ تقولك البنت لاء جواز ايه اثبات الذات ويوم ما سن البنت يعدى ال 25 ياأخبببببببر

الحقو هاتو عريس بسرعععععععععععه البنت هاتبور زى الارض اللى بارت وساعتها الباير تبقى اولى ؟ ببيت ابوها .

طيب لما البنات كدة كترت اوى وموش لاقيه جواز

مشكله العنوسه فى مصر المحروسه

لما كدة البنات بتكبر فى السن وبيحصل مشكل لا حد لها ولا حصرلها والشوارع تشهد وابوباب الجوامع تشهد برضو وشارع جامعه الدول العربيه يشهد ، ليه بقى مزنقينها على نفسنا .

وتروح تخطب البنت من دول وتقول اكمل نص دينى تلاقى ان الرد اللى بيتقالك يطلع النص اللى كان عندك ويطفشه : ( عرض المطالب )

اولا : شقه تمليك ( فى مصر الجديدة / مدينه نصر المهندسين انشاء الله )
ثانيا : شبكه تمليك ( لان دلوقتى ظهر انواع جديدة من الشبكه الايجار بتتأجر زى الفستان كدة ليله واحدة وترجع تانى ) وطبعا دى ظهرت نتيجه للمنظرة الفارغه ناس موش لاقيه تاكل وتقولك لاء نأجر شبكه بقى ايجار وخلاص هو نصيبنا كدة وقعنا فى عريس منيل مش لاقى ياكل نأجر (شبكه اليوم الواحد ) الناس تشوفها وتزغللهم فى الفرح ونبقى نقول ان العريس اتزنق بعد كدة كان بيعالج امه واى كلام وخلاص واى منظرة والسلام ودا طبعا لان قيمه الشبكه التمليك دلوقتى حدث ولا حرج .

ثالثا : فرح فى فندق : خمس نجوم ***** ( انتر كونتينينتاك / او خالتك او اى فندق اى شاب من عائله متوسطه ميحلمش يشرب فيه كوبايه ميه ساجعه ) .


رابعا : بعد كل اللى فات لسه التقيل ورا ( غرفه النوم والمطبخ والسفرة والسجاجيد والنجف والتحف والتنجيد والتنفيض على العريس ) حلوة دى طيب والعروسه........ لاااااااااااا العروسه مابتجيبش غير شنطه هدومها والكياس البلاستيك وسكينتين واحدة تقطيع والتانيه تشفى هههههههه .

طيب اشربو بقى اللى عايز الجواز بقى يجيبلو معلقه .

وبتقولو العنوسه زادت ماهو لازم تزيد وتفيض وتغرقنا ومشاكلها لازم تظهر

ومن ردود فعل العنوسه :

الافراح والليالى الملاح

تروح الفرح من دول تلاقى البنات كلها واو حاجه كدة نازله من هليوووود

شعر وميكب وروجاجو وايلاينر ومسكرة وحاجه زى الفل تزغلل ، ويبدأ الفرح واتفرج يا سلام فاشون شو و فساتين ايه وبيرفيم , ورقص على كيف كيفك

وكل واحدة عاوزة عريس على المقاس طول وعرض وابن ناس

وكله يغنى ( حد عايز قلب فاضى قلب طيب قلب هادى قلب كله حنان وعطف يخطفك من الحزن خطف قلب نفسه يحب حتى قلب عايز ينسى ماضى )

وصباح السهوكه وسلملى على دوللى شاهين ( انا غير كل البنات اللى انت عرفتهم) .

تانى حاجه : الانترنت

البنت على الانترنت بتبقى حاجه تانيه خالص شخصيه وايه تحولك من كلامها وردودها وتطلع عينك على ماتديلك الموبايل وهو مع نص شباب القاهرة الكبرى بضواحيها وتكلمها فى الاخر يا خبرررررررر كلامها كدة نصه انجليزى على فرنسى على لغه عجيبه من اللغات اللى انت مسمعتش عنها وتقول وووووووووواووو دى بنت ستايلش ومن الاخر تطلع من بولاق ( خالص تقديرى لشباب وبنات بولاق ) العيب مش فى المنطقه العيب فى اللى بيعيش عيشه غير عيشته وبيخرج من جلباب الحاج باباة ودا موش للبنات بس دا للشباب كمان
تلاقى الشاب من دول لابس وفانكى وروش طحن وموبايل حاجه تخبل ومفيش فى جيبه غير سيجارتين فرت كليوباترا .

طيب على ايه المنظرة على ايه نعيش على بعض كلنا ظروفنا على قدها ليه موبايل ب3 الاف ليه سجاير اجنبى وانت بتشحت ليه شبكه ب5 وعشرة ودا اقل حاجه ليه شقه تمليك فى الزمالك ليه فرح 5 نجوم ليه تكلفه مالهاش لازمه ليه؟

ليه بنحب نأزمها على نفسنا طيب اهالينا وليهم دماغهم احنا بقى نكسر القيود دى

مشكلتنا كلنا اننا مش بنعرف نتكلم عن مشاكلنا بنحب نحط رجل على رجل فى وش اللى قدامنا وبنتكبر على بعض بشكل بشع ، وأدى النتيجه الشعب المصرى لم ينجح احد مشاكلنا يتزيد وهمومنا اكتر موش على مستوى الجواز والعنوسه لا لا خالص
دا على المستوى الاخلاقى كمان زاد الفقر والسرقه والغش الميك اب غطى وشوشنا
الانحراف زاد بين الشباب والعهر والعرى والبطاله وربنا يسامح ناس اباحو عمليات الترقيع عشان الشباب تنفس عن رغباتها وربنا يستر على اللى جاى
محدش بقى ضامن يشترى بطيخه ويفتحا تطلع قرعه :)।
ولنا الله
محمد فوزى



Sunday, April 15, 2007

متــــــصدقيـــــــــش

متصدقيش

متصدقيش .. كل الادين الممدودين طالبين وصالك

ومتصدقيش .. كل العيون السهرانين قايدين بنارك

دا بعادى عنك يا حبيبتى ايام مرارك

وبرغم بعدى عنك حبيبتى قلبى فى مدارك

انا مين اكون وازاى اكون لو مش هاعيش طالب وصالك

ازاى يهون وتقدر تخون قلبى اللى صانك

ازاى يكون بينا العتاب بعد الصفا

وازاى يكون جرح الغياب بعد الوفا

وازاى يعيش قلبى اللى داق طعم الدفا

ارجع حبيبى دا انا عمرى بعدك
تاة واختفى

ارجع حبيبى وخلى الحياة

متلونه بطعم الوفا

محمد فوزى

Thursday, April 5, 2007

طال انتظار الحـــــــــــريه

طال انتظار الحريه
- بصورة حتميه
وليست بالافتراضيه
او بالعفويه
...............
جاءت الحريه بعد ان غابت
جاءت بصورة جليه
جاءت كعادتها بهيه
جاءت كمنحه الهيه
................
هى ليست بالهلاميه تستطيع لمسها
لو ان خطواتك متأنيه
صامدة فى وجوة الطاغيه
...............
اى طاغيه فى وجه الحريه
يسقط فى الهاويه
فالحريه تعشق الصراعات
الداميه
التى تنكسر فيها شوكه كل طاغ وطاغيه
................
هى قاسيه... هى حانيه.... هى رغبه كل مظلوم وباكيه
...........
هى حلم كل النفوس الحانيه
هى ملاذ الضعفاء والمكلومين
من اباطرة العصور القاسيه
وكل ملعون يبحث عن السيطرة الفانيه

فأهلا بالحريه .

شطحات هلاميه عن الحريه

Sunday, March 25, 2007

يا مصر

يا مصر

يا مصر اصحى وصحى كل الموجودين
دا طريقنا كان مليان بالناس الطيبين
مافضلش منهم الا شويه صغيرين
احفاد فراعنه وقبط ومسلمين
وشباب عجايز وهما صغيرين
ماشيين بنبكى فى غربه وحنين
يا مصر اصحى وصحى كل الموجودين
متجمعين ... متفرقين ... من كل شكل وكل دين
واقف تاريخنا هناك حزين
واقف بيبكى على السنين
واقف بيندة على الامل
يمكن يكون فى ايديه عمل
يرجع الماضى اللى كان
امجاد حضارتنا زمان
وترابنا يشهد على الزمان
دا ترابنا واخد على الحنان
واخد فى حضنه شهيد زمان
بأيدين شهيدنا اتفتحت كل البيبان
واقف شهيدنا وقلبه مليان بالامل
يحكى على الديب والحمل
والـلى اتــــعمل
كنا شباب مليان أمل
كنا اما نفرح تضحك الدنيا ويهرب الملل
كنا اما نبكى تخضر الصحارى وينشق الجبل
يا مصر اصحى .... والبسى توب الامل

محمد فوزى

Thursday, March 15, 2007

وشـــوش


وشــــوش الــــناس

دا وش يضحك قصادك

وهو بـــألف وش

تدور بوشك عنه

يسرقك ويغــــش

تصفى له تانى فى يوم

وتقول خلاص معلش

يجرحك من تانى

برضه ماتتعلمش

ووش هادى صريح

مكتوب عليه تصريح

او دعـــوة للتفاريح

انا عمرى يوم ما اغش

ووش كـــــله حنان

بيفكــــــــرك بزمــــــــــان

ايام ماكنا وشوش

فى اللفه ما اتفطمتش

ووش تانى جرىء

فطموة غيار الريق

قايد فى قلبه حريق

ماهو اصله طار ماعرفش

كان نفسه يبنى العش

ويعيش مايتألمش

لكنه يومها اتمنى

انه يموت مايعيش

محمد فوزى

Tuesday, March 13, 2007

تحت اشجــــار الـــزيزفون


تحت اشجار الزيزفون

تحت اشجار العشاق ....... اشجار الزيزفون

يجلس العشاق الحالمون يتلاقون

يهيمون ... يذوبون ... يتلاشون

يهمسون وتهمس معهم الاشجار

وتتناقل الحروف كأمواج البحار

بصورة موسيقيه ناعمه

منغومه بنظرات حالمه

ويذوبون وسط السكون

وكأن الكون غير مسكون

يبوحون بالسر المكنون

سر الحب .... ونظرات العيون

ويعانق كل مجنون ليلاة

وسط السكون فى منتهاة

وفى صمت الليل المسحور

يخرج الشوق المأسور

ليحطم كل الجسور

ويهز ارجاء الكون ويطير

والرياح ملساء كالحرير

والانهار تسبح بدون هدير

وسط حفيف اشجار الزيزفون

التى تتلآلآ معها كل العيون

ويتهادى الليل فضيا فى ضوء القمر

ويأتى النهار وكأنه ذنب لايغتفر

ويغمض العشاق الجفون

رافضين النهار وكل العيون

ويتلاشون فى ضوء النهار

حالمين بليله اخرى تحت الاشجار

وفى الليل يعودون

يتجمعون... تحت اشجار الزيزفون

ينزفون اشواقا... تضىء الكون

محمد فوزى

Thursday, March 8, 2007

افتح بابــــك

افتح بابك

افتح بابك عالاخر

دى الدنيا حلم مهاجر

فاتح حضنه بيتفاخر

طول عمرة طير ومسافر

افتح بابك متخافشى

دى الدنيا سؤال مسألشى

ومسيرنا من الدنيا هانمشى

راحت احلامنا مجاتشى

افتح بابك للايام

صاحيه عيونا ولا بتنام

بص لبكرة وللاحلام

واخدة الدمعه على الاحزان

افتح بابك متقولشى

دا حبيبى راح مرجعشى

دا اليأس مسيرة هايمشى

والفرح رفيقى وشمسى

افتح بابك للافراح

يمشى الحزن ويبقى صباح

تتبسم وتعيش مرتاح

تنقلب الاحزان افراح

افتح بابك يوم لى

دا مكانك جوة عنيى

ليه بتخاف من ليالى

طول عمرك تجرح فى

افتح بابك عدينى

بابك جنه بتحيينى

حضن شفايفك يروينى

واعطش تانى وتسقينى

افتح بابك يوم تانى

حضنك مشتاق لحنانى

يومها هاكون قاتل جانى

واقتل شوقك بحنانى

شوقك مات بين احضانى

تهدا وتطلب من تانى

لو لبيت راح تنسانى

خلى اشواقك عايزانى

محمد فوزى

Tuesday, March 6, 2007

هاتروح لفين منى

هاتروح لفين منى


هاتروح لفين منى ياللى مجننى


ياللى انت حبك ساكن فى العين وفى الننى

حبك خلانى روح طايرة مكان ماتروح

علمت قلبى يبوح بالسر والمسموح

ولاعمرة كان مفتوح بس انسرق منى

وسرقته اول يوم شفتك سرقت النوم

نازل فى حبك عوم موج الهوا حاضنى

وهاتروح لفين منى ياللى مجننى

ياللى انت حبك ساكن فى العين وفى الننى

توب الهوا حراير لابسه انا وطاير

وماسك فى ايدى هواك وبرشه على الاشواك

تتحول الاشواك لنجوم بتتمناك

ومنورة فى سماك وبنورها تأسرنى

ياللى مجننى هاتروح لفين منى

ياللى انت حبك ساكن فى العين وفى الننى


محمد فوزى

Thursday, March 1, 2007

الخــــــــوف والرجــــــاء


الخوف والرجاء

مابين الخوف والرجاء

موصوله احلامى باحاسيس متناقضه

الاطمئنان والرضى بالبقاء

والخوف من الحاضر ان يكون ممتلئا بالشقاء

ايامى كأيام الشتاء

باردة كقطعه ثلج ملساء

او كزجاجه ممتلئه بالخواء

افتحها واشرب مابها

رغما عنى واشعر بالارتواء

ايامى كغروب شمس يشعرك بالحزن بعد اللقاء

اعيشها وحيدا واطوف فى ساعاتها كالغرباء

ايامى كنغمات ساحرة توشك على الانتهاء

تطرب الاسماع وتبهر الاذهان

ابذل مجهودا فى عزفها بكل صفاء

فها انا مابين الخوف والرجاء

اصارع لاحيا فى عالم لاخوف فيه من الاصدقاء

ورجاء .. ان لا يكون للاعداء البقاء


محمد فوزى

Monday, February 26, 2007

خذو الحكمه من افواة العاطلين

خذو الحكمه من افواة العاطلين


يا مصر اصحى وصحى كل الموجودين
دا طريقنا كان مليان بالناس الطيبين
مافضلش منهم الا شويه ضغيرين
وشباب عجايز وهما صغيرين
احفاد فراعنه وقبط ومسلمين
ماشيينبنبكى فى غربه وحنين
متجمعين متفرقين
فى قلوبنا احنا المجروحين

دى مجموعه ابيات كتبتها انا وصديق لى بعد تخرجنا الكليه وحصول كل منا على لقب عظيم هو لقب عــــــــــاطل كنا فعلا مخنوقين كنا فعلا حاسين اننا انضحك علينا وتعليمنا راح بلاش

· رحله البحث عن وظيفه ( سورى رحله البحث عن واسطه )

بدا البحث مباشرة بعد ما خلصنا الكلمه المألوفه اللى كنا بنسمعها ونضحك عليها فى الراديو ( فوت علينا بكرة )

بقت تتقال لنا كل يوم من الشركه الفلانيه للوزارة العلانيه وهكذا دواليك وبدأنا ندور على واسطه لكن بالخبرة كدة اكتشفنا ان الواسطه برضو درجات اينعم درجات وهل يستوى الاعمى والمبصر لاء طبعا ومحدش بيخدم ببلاش كله بتمنه يا معلم ويا معلم دى لقب تانى حصلت عليه بعد لقب عاطل ولم تصدق كل الوعود كما هو متوقع

فكرت انا وزمايلى فى كل الطرق المشروعه للشغل وفى بعض الاحيان للطرق غير المشروعه ودا كان حل اخير لما خلاص نحس اننا هانشحت ومش شرط نشحت بس الخنقه من الوضع والناس يااااااااااة وصلت منتهاها

لاننا لقينا الناس بتتعامل بحقد شديد جدا معانا او على العكس تماما على اننا من ذوى الاحتياجات الخاصه او احد العاهات ( معلهش يابنى بس مش كان ابوك دخلك صنايع اتعلمتلك صانعه احسن لك ) طيب واللى مايعرفش يتعلم صنعه يعمل ايه انا حبيت الادب ودرست الفلسفه اعمل ايه يعنى نصيبى نصيب ايه يابو نصيب ( دا رد احد الموظفين فى احد الوزارات ) اتعلم صنعه احسن .

فكرنا بما اننا لانعرف صنعه اننا ممكن نشتغل اى عمل حر بدا من مشروع سايبر الى سنترال اتصالات وانتهاءا بمطعم تقلص مع مرور الوقت واكتشافنا للتكلفه وصل الى عربيه فول فى اى ميدان عام وبرضو مانفعش اصل برضو المشكله التكلفه وبرضو الحقيقه نفسيتنا كانت بتقوم علينا لما نستترجع الماضى ونبكى على اطلال 14 سنه خدمه فى التربيه والتعليم ينتهو ويتنقعو جوة قدرة فول كان صعب علينا حبتين لامش حبتين قول شريط حبوب وفعلا من منا فضل ضرب الحبوب على بيع الحبوب وضرب شريطين حبوب وربنا ستر واتلحق الشخص دا كان انا ودى مكانتش حالتى لوحدى دا كله ادب زى حقوق زى علوم زى طب المصيبه ان الاهل مش فاهمين يقولو لو كنت دخلت تجارة كان زمانك اشتغلت فى اى مكان التجارة ليها مستقبل ( علما بأن العائله كلها محاسبين وموظفين ) انا اللى فاقد ودخلت اداب قسم فلسفه اقول ماهو كله زيى حتى الطب بقى مندوب مبيعات بيلف على الصيدليات دا لو لقى يعنى شغل

كله سواااااااااء على القهوة مرصوصين بشكل جميل اة نسيت من الجدير بالذكر توجيه التحيه للمعلمين اصحاب القهاوى على رعايتهم لينا واحساسهم الدافى بوجيعتنا من توفير شيش مدعمه ننفخ فيها همومنا وتوفير الجرائد وخصوصا الاهرام يوم الجمعه باب ( وظائف خياليه ) اقصد خاليه والبحث معنا على وظائف من باب التعاطف وجذب الزبائن من شباب المستقبل دا غير جيل المستقبل بتاع اعلان التليفزيون بتاع شباب النيل هووووة هوةةةةةةة الواحد كان بيشوفهم بيتعقد من البدل اللى لابسينها الحقيقه .


افلاطـــــــــــــــــون عاطــــــــــل :

مشهد فى احد اتوبيسات الهيئه متشعبطين ومتزنقين وربنا مايحكم على عدو ولا حبيب فجاة واحنا مسترخيين ومستمتعين باللحظات الجميله لاننا بندور فى احياء مصر المهروسه وتكييف اتوبيس الهيئه

شغال وعال العال مش عارف ليه الشكوى مع ان الناس كلها ريحتها حلوة وبرفاناتهم مش موجودة حتى فى باريس وحصلت خناقه مع الكمسارىوهو شاب فى اواخر العشرينات وصرخ باعلى صوته حرام عليكو انا ليسانس اداب حرام اللى بيحصل دا كل يوم خناقات انا لو اشتغلت حرامى يبقى اكرملى نظرت لصديقى وضحكنا ضحكه تهكميه وقولنالو كابتن استهدى بالله واحمد ربنا وبحركه مسرحيه منى قولتله انت جيبت واسطه ازاى ....... بص لى وكان هايرمينى من الاتوبيس لكن عندما رأى البراءة فى عينى وجدته يبتسم

فقال لى صديقى عارف المشكله فين احنا دورنا فى كل مكان واتبهدلنا واتشتمنا كمان ايوة انا اتهنت

واتبهدلت واشتغلت كل حاجه واستحملنا الاهانه لكن مفيش فايدة قالى كلمه عمرى ما هنساها

( اهلنا زمان نحتو فى الصخر شقيو وتعبو بس علمو فى الصخر لكن احنا بننحت فى الهوا واللى بينحت فى

الهوا مابيعلمش ) يالله كلمه بجد جامدة ما اتعلمنهاش فى كتب الفلسفه ولو افلاطون كان موجود دلوقتى فى زماننا كان زمانه عاطل ومش عارف يجيب واسطه . وجتنا نيله فى حظنا الهباب .


معلش طولت عليكو بس ناقص حته صغننه استحملونى انا اصلى معبى وبفضفض

شىء فى صبرى :
ماشى هانسلم اننا اشتغلنا برغم ان القطاع الخاص وما ادراك بالقطاع الخاص فى البهدله واللى مش عاجبه يغور واعلان بربع جنيه فى الجرنال ييجى ملايين ما علينا حط جزمه فى بقك واسكت اوكى

اهلك بيساعدوك وانت بتشتغل شغال ماشى طيب كل شويه يقولولك عاوزين نفرح بيك نفرح بيك طيب ازاى والنبى ازاى نتجوز واحنا عندنا عجز لا ماتفهموش غلط انا اقصد ع
جز فى الميزانيه ماشى هانقضيها جمعيات ومساعدات خارجيه ومعونات داخليه طيب لو اتجوزنا فرضا فرضا على الرغم من انى نفسى البس دبل بس قبل ما اموت على رأى احمد رزق فى فيلم ثقافى هاعيش انا والمودام ازاى معونات برضو اوكى شغال برضو اهو مش احسن من الانحراف طيب ماذا لو ربنا كرم بحته عيل ولا نصيبك يجيلك توينز مين هايربى العيال هايعيشو ازاى ( اصل انا حاسس بمبادىء ذبحه صدريه من كتر التوفير واكل الفول والطعميه طيب لينا وللعيال رب كريم بس السؤال هنا

لما احنا حالتنا كدة ومش عارفين نعيش ولا نتشتغل ولا نتجوز الجيل اللى جاى هايبقى حالته ايه ؟
هايعيش ازاى ؟ هايشتغلو ايه ؟ انا هاتجنن





Sunday, February 25, 2007

انســــــــــــــــــــــان حســــــــــــــــــاس

انسان حساس

انهاردة انا جاى احكيلكو حكايه ...... حكايه انسان حساس فى زمن كان فيه الناس مالهاش احساس

وحساس دا كان بيقيس عليه الناس الاحساس ... كل الاحساس يعنى لو فيه موقف معين مثلا لو كان محرج

وممكن يعدى على كل الناس حساس كان بيقف ويقول للناس انتبهو ايها الناس ياللى معندكوش احساس انا

حساس المقياس اللى بيقيس احاسيس الناس ومشاعرى ودموعى تكفى كل الناس ,, انتبهو ايها الناس واصحو من

الانفاس وصحو مشاعركو زيى واملوها بالاحساس

طيب مين حساس دا؟

حساس دا كان شاب طيب قلبه رهيف لو قاعد والدنيا حر احساسه بيقوم يلطف الجو ؛

كان انسان قلبه ضعيف مليان بالحب فى وسط الزيف ؛ الزمن عاداة ورماة فى وسط بحور الحياة

وحساس مكانش قادر يعيش فى الزمن دا لانه كان حبيب والزمن فرقه وبعدة عن الحبيب

حساس كان بيكتب شعر جميل بس الناس عمرهم مافهموة ولا طلبوة لان الناس مايعرفوش المشاعر والاحاسيس

ومكانش مع حساس اى ونيس تاة فى الدنيا وكرة النور والفوانيس لانهم بيفكروة بالزحمه والترابيس

وهو انسان حر حب يوم لكن الزمان فرقه عن حبه ونسى الحنان ؛ وقرر فى يوم انه مش هايبقى حساس وانه

هايجرح كل الناس الا الناس اللى زيه اللى عندها احساس وندر نفسه وحبه وشعرة للى بقدر ويفهم ويقرا وكرس

كل مشاعرة وحياته للى تفوز بمشاعرة وذاته للى تقدر وتفهم وتدخل جوة قلبه وتفهمه وتحس بلحظات همه

وقف حساس فى يوم واتهور وقال ,,,,,, ياناااااس انا حساااااس اللى كرهت كل الناااااس

وكرهت حتى الاحساس كرهت المشاعر فى زمن الحب فيه مهاجر والصدق فيه مسافر

انا ماشى ومهاجر وبقلبى هسافر لدنيا تانيه بعيدة عن كل غادر ويوم ما هارجع هارجع وحش كاسر

يجرح ويقسى ....... انا يومها هابقى مش حساس هابقى انسان عادى من غير قلب زى كل الناس

معـــــــــــــــا نــــــــى

معانى

معانى معانى

مين القاتل مين الجانى

مين القاسى ومين الحانى

مين راح يشرب ويقول تانى

ومين قال لاء بصوت حيانى

وقال انا عاوز عالم تانى

مافيهوش ولا انسان حيوانى

عبد الشهوة وعبد الجانى

راح تعذرنى فى كل كلامى

لما تشوف بعينيك بركانى

لم يفيض ويزيد فى الامى

وايه الفايدة لكل كلامى

لو مافهمتش منه معانى


محمد فوزى

Thursday, February 22, 2007

خلــــــــــــــــــــــــص الكلاـــــــــم


خلص الكلام


خلص الكلام مافضلش الا الانتظار

ليل اونهار

مش باقى من حبى لحبيبى

الا اتخاذ اصعب قرار

مش باقى غير شمعه بتبكى وتتحرق

عايشه فى نار

ايوة باقر وبعترف ان الحكايه اصلها

سوء الاختيار

مش اختيارى ليكى انتى

لكن اختيار الحب

فى زمن الانكسار

مش باقى غير اصعب قرار

طمنى بيك خليك معايا

علشان يهون الانتظار

ومهما الزمن فرق مابينا

هارحل واعود بالانتصار

على كل شىء جرح قلوبنا

ونقولو لاء



دا البعد نار


محمد فوزى

الحريـــــــــــــــــه المسؤلــــــــــــــــه

انا قريت على مدونه سؤال غريب جدا حابب انى اقوله يمكن تفكرو فيه زيى او تفكرو فيه بشكل تانى

او ماتفكروش فيه خالص وتقولو ايه الغباء دا !!!!!


هو الواحد لما يموت هايحصل ايه لايميله ؟ سؤال عادى ماهو ممكن اى انسان يموت وايميله يتقفل صح

بجد سؤال تافه وخصوصا للناس اللى مايعرفوش يعنى ايه ايميل ويعنى ايه ان دا نافذة او شرفه لى بطل منها للناس واجهتى للدنيا يعنى اصل الموضوع كبير لانى النت دا والايميل هو بجد اكتر مكان بحس فيه بالحريه لاء مش انا بس دا كل الناس بتتكلم براحتك وبدون حدود يعنى انت مثلا راجل كحترم وبتشتغل وطول النهار بالبدله والجرافته والحركات دى وبتشرب القهوة من مناخيرك قدام الضيوف عشان البريستيجو لما بتدخل النت تبقى حاجة تانيه مسخرة لامواخذة وانتى يا انسه هاديه وعسوله ورقه رقه مووووووت بتدخلى النت يتغير كلامك وتبقى فانكى فانكى وبت من الاخر والعكس صحيح .


بس بجد السؤال اللى محيرنى ( ايه اللى هايحصل بعد ما اموت : الناس اللى عرفانى هاتزعل على ....... ممكن وفيه ناس هاتفرح وتقول بوبى وراح ههههههه برضو جايز طيب الناس اللى اتعاملو معايا على النت من غير مايشوفونى هايفتكرونى ازاى وبايه ؟نفسى فى اجابه ولو ما افتكرونيش يبقى النت دا حاجة من الاتنين يا حلم ومش حقيقه بالتالى هايكون جزء من الواقع خيال ؟ ازاى دا بقى انا هاتجنن يا اما النت دا حقيقة وموجودة وكل حاجة وفل الفل ولكن احنا اللى قلوبنا اتقفلت اوى ومش عاوزين نعرف بعض بجد على المستوى الانسانى مش هنا فى مصر بس لاء دا فى اى مكان فى العلم ناس كتير اوى بتتعرف وما بتشوفش بعض ومابيحسوش ببعض بجد نوضح تانى

ان كل واحد فينا ليه كام شخصيه فى الشغل حاجة والبيت حاجة والنت حاجه تانيه خالص بس بجد اللى حاسه ان النت هو اكتر شخصيه بتبقى طاغيه لان دى الشخصيه اللى بنبقى عاوزين نكونها بجد لان فى البيت ضغوط والشغل ضغوط طيب امتى شخصيتك الحقيقيه بتظهر ؟ اقولك على النت اكتر مكان فيه مساحه حرة من التعبير
بس برضو بنلاقى ان النت اكتر مكان فيه مساحه للكذب برضو ماهو براحتك بقى مافيش رقابه

بس روحنا ولا جينا ربنا مضطلع وشايف وفيه رقيب وعتيد على يمينك وعلى شمالك يعنى ايه؟

يعنى برضو فيه سؤال شكل انهاردة يوم الاسئله العالمى

لو كدبنا على النت ربنا هايحاسبنا ؟

اة طبعا دا رأيى هو فعلك على النت دا مش فعل حقيقى باختيارك حد قالك تكتب كذا ولا كذا هو حد جبرك تكدب

ولا حد جبرك تعمل ايميل اصلا يبقى انت فاعل وحر ومختار يبقى انت حر والحريه لازملها مسؤوليه

تحجمها وتقومها . مش عارف انا ايه اللى اثار الموضوع دا عندى بس يمكن يكون مش عندى انا لوحدى وممكن يكون فيه ناس تانيه غيرى فكرو نفس التفكير

انا من فترة قابلت واحدة وكانت بتكلمنى وقعدنا نتكلم شهور على انها بنت صغنونه فى الشعرينات لكن وخدو بالكو من لكن دى اكتشفت فى النهايه فى سن والدتى طيب ايه سبب كدبك يا حاجه ؟ قالت انا ماعيشتش ايام شبابى انا انسانه ضاع منها حلمها واتجوزت راجل حرمنى من كل احساس وكان اكبر منى بكتير المهم اخترت فيها ولما اكتشفت حقيقتها كانت بتعمل ايميلات تانيه وتكلمنى برضو تانى وتخبى شخصيتها وتعمل انها برضو بنت صغيرة بقيت اعرفها وتعمل ايميل تانى وتالت وقولى انا مش عارفه انا عرفتك سنى الحقيقى ليه انا كنت مرتاحه وانت بتعاملنى على انى بنت صغيرة ؟ يمكن تكون دى الاجابه اننا بنهرب من واقعنا هنا على النت

حد يرد ويعقب افادكم الله
.

Tuesday, February 20, 2007



بعد الجراح ومن جديد واقف سعيد

واقف سعيد



علشان انا مابقتش انا

بقيت انا انسان جديد


انسان جديد صعب وعنيد

قادر اروح لبعيد

وابدأ لوحدى من جديد


اصل الجراح علمتنى

مابقتش ابكى واقول ياريتنى

الدنيا عاوزة انسان صبور

وبرضو لازم سعات يثور

والدنيا عاوزة الملاعباتى

يقف لدى ويقول حياتى

ويروح لدى يسهر ليلاتى

وفى النهاية تلاقية

ساعاتى

والدنيا عاوزة المرعباتى

ابوسيف يخوف يبقى زناتى

والدنيا عاوزة المطبطباتى

ماشى مطاطى وانا فى


الحقيقة واخدك فى باطى

والدنيا عاوزة المرقصاتى

يسهر ليلاتى يعرف يهاتى


يسرق ويهرب يعمل غفير


دلوقتى شايف نفسى كبير

لانى انا مابقيتش اغير

لما بشوف ملاعين كتير



ما انا من الاسية

طول ليالى

بقيت معاهم وبقيت كبير .

محمد فوزى