Wednesday, November 7, 2012

أنـــا لــقيــتنى !!!!!!


   
من بعد طول الغياب  الذى أدعى أنه كان مريرا بدون تدوين فى ظل زخم الحياة وزحامها ,  تاهت الروح من النفس اقنعت نفسى ان اعيش لغيرى وليس  لنفسى  لأهلى,  لبيتى, لأطفالى  لأصحابى, لأقربائى, لجيرانى, اساعد الكل  تحت قدم من ينادى بكل وفاء وبدون تذمر او تفكير كان إيثارا  كاملا مكملا على النفس لم أضيق به ولم أتنمر..  مرت السنون عاما وراء عاما ا لا ادعى انها كانت شقاء ولكنها كان بها من الفرح الذى  يأخذك للجنه ولا أنكر ما مر فى تلك السنوات الصغيرة من حزن يأخذك إلى أسفل سافلين 
 ولكن حين تقابل صديق من الطراز الذى
ا يعرفك دون ان يرك يحس بك,  حين تسمع أخبارا منه حين يحدثك عن ماضى كنت فية انت نفسك كنت فية تداعب أحلامك كفتى طائر طائش دون أدنى مسؤليات  حينما تجد هذا الصديق و يجدك فى قمة ضعفك من الحياة و ومامر بك من هموم بسبب ما مر بنا من  هموما مابعد الثورة وتبعاتها  اعتقد ان تدوينات عديدة لا توفية حقة
فتحت مدونتى مرة أخرى بعد أن نسيتها  وها أنا أنظفها وأطل على بابها لتسطع على الشمس من جديد وأطل على أخر تدوينة لى وأجملها( أنا والمدام )  احسست براحة غامرة وتصالح كبير مع نفسى ومع الدنيا فأنا متصالح تماما مع نفسى بعد أن عدت إليها تحية لصديقتى ( وينكى )
من اعادتنى للتدوين , وتحية لشريكة عمرى وأحلامى من احتملتنى  ومازالت وانا تائه ولملمت شتاتى ...  زوجتى .
        


Thursday, May 21, 2009

أنا والمدام


من أنت؟


اسأ ل دوما من انت ؟

اأنت الحب من غير حدود.

ام انت الحياه بكل الوجود.

ام انت النجم المرصود.

ام انت المساء الموعود.

ام انت الرجل المنشود.

لكنى

اليوم عرفت من انت.

انت الفارس المقصود.

العاشق الودود.

الأمان الذى يعود.

الحنون من غير الحدود.

الاهل والصاحب والولد.

الفرح إلى الأبد

نبرة الحب فى الخلود.

وطيف الحنان المشهود.

بركان الصدق المقصود.

من أنتِ ؟

انتى عيونى على الزمان البعيد

مستقبل لا يحمل سوى كل جديد

زهرة بستانها فى قلبى العنيد

انشودة أرتلها كل عيد

اتغنى بها ويسمعنى كل شريد

اتمتمها بشفتاى وانشدها

ويسمعها حتى من عاش فى الماضى البعيد !!!

فها انا اليوم عرفت من أنتى !!

انتى النجمة التى هدت كل ضال عنيد

كل كافر بالحب صار اليوم

إماما يثاب على كل لوعة وتنهيد

محرابة شفتاكى .. يستقى منها

ويقول .. هل من مزيد ؟


هكذا رأينا بعضنا بعد الزواج


Thursday, February 26, 2009

Tuesday, January 13, 2009

دمعـــه فرار


دمعة فرار

دمعة فرار وسط النهار

شقت طريق جوة المدار

تنزل وتغسل الخيانة وكل عار

تنزل وتكوى بحزنها جروح الصغار

تغسل ذنوبنا وتفريطنا فى حق القرار

وسط الحصار تنزل دموعنا تفر .. تهرب

وسط الحصار الدمعة لينا المهرب

الدور يقرب .. والصعب يصعب

لما كل الأخوة تهرب

لما كل كبير وقائد يبقى عقرب

مستنى لما اخوة يدوخ يلدع ويهرب

معرفش انه جبان كبير ونهايتة أصعب

والتاريخ عمرة مايكدب

يا صهاينة كل خداعكوا ومكركوا مذكور زمان

لما رسولنا عانى منكوا سنين زمان

لكن بنصرة ربنا ظهر الجبان ... وسط الميدان

فاصبروا أمه محمد وصابروا وكبروا وهللوا

وادعوا بكل شجونكم وأوقفوا عمر الزمان

بكرة الميدان الفيصل .. وبكرة نهاية المعركة

يكون معادها ساعة الأدان

صلوا صلاة مودع واستبشروا

لكن محدش فيكوا شاف .. فين الإمام !!!

Wednesday, December 31, 2008

عام جديد


زى اللى غرقان ولقى طوق نجاة

مسك فية بكل قوتة

سعيد وفرحان لكنة

مش بيضحك.. مستنى لما يوصل لبر الأمان

علشان يحس بجد ان بدأ يعيش

سعيد جدا بطوق نجاتى

عام جديد سعيد على الكل


على الهامش : بنتمنى العرب يلاقوا طوق نجاتهم

ياترى هاييجى صلاح الدين لمرة تانية ؟ ولا صعب

هل ممكن يكون موجود ؟ يمكن يكون المستقبل

إبنى أو إبنك

جايز كل شىء جايز


واللى مش جايز اننا نفضل غرقانين فى بحر من الخوف اللى إحنا حفرناة بإيدينا


بحر الحياة مليان بغرقى الحياة


صرخت خش الموج فى حلقى ملاة


قارب نجاة صرخت


قالوا مفيـــش


غير بس هو الحب قارب نجاة


دا عمنا صلاح جاهين

لو حبينا بعض كعرب اعتقد مجرد إعتقاد هنلاقى بر للأمان


Thursday, December 18, 2008

قبـــلك إنتى


قبلك إنتى
كنت شارد فى الحوارى والشوارع والموالد
كنت مجذوب وبهوى الصعاب
وكنت بغوى المتاعب
كنت بعشق إللى يألم واللى يظلم واللى غالب
كنت بتلذذ بحبى لإنسانه تعشق إمتلاك كل الكواكب
عشقها كان صوت مطالب
وكنت مفروض إنى ألبى
وكأنى مجنون ولا شارب
سكران لشوشتة فى الخداع وفى الهوى
وفاكرة كان لية الدوى
لكنة كان أصل المتاعب
جيتى إنتى نور وطهر
جيتى لى بحب حر
معاكى دوقت طعم الحنان
وعرفت معنى عنى غايب
قبلك إنتى كنت غايب مربوط بخيط لكنه سايب
لكن معاكى عمرى ما اكون
غير قلب واعى لكنه دايب
بوعدك انا ليكى وحدك
وهاتكونى لى كل الحبايب

بوعدك

Monday, December 1, 2008

شىء غريب


شىء غريب

شىء ملح جوة قلبى بيقولى ازعق فى السكوت

شىء ملح جوة صوتى بيقول ابكى بأعلى صوت

شىء غريب جوايا صاح .. شىء غريب مش نور صباح

شىء غريب جوايا ثار بيقولى ارفض الجراح

جوايا شىء مش عارفة لسة ... شىء عجيب بيقولى إقسى

شىء غريب بيقولى إرفض ... تبقى تابع فوق وإنسى

شىء بيترجانى ارفض ... بيقولى ازحف قوم واركض

شىء بيطلب منى اعافر ... بيقول ربى ليك ضوافر

قوم وانهش حب والطش اضحك واقفش دادى وانكش

شىء بيطلب منى اطبطب ابقى قاسى وابقى طيب

بيقولى دوس اضرب وطيب بعدها هاتكون كبير

مش ناوى احب مش ناوى اغير ... مش ناوى اكون من غير مصير

مش ناوى اكون تابع واكون انسان حنون حب بجنون

والحب لية بيكون نهايتة يكون معاة نهاية المصير

مش ناوى اكون انسان مالوش نفسى اكون وسط الوحوش

كبير وهاكبر وسطهم وبكرة اكون من قبلهم

وبكرة هاتلذذ بكونى اقوى واحد منهم

بكرة هاتلذذ بكونى حد ينهش لحمهم

زى زمان ما أذونى اة ..وكنت بضحك للحياة

كنت بضحك على خيبتى يمكن او بموت منها الحياة

بكرة اكتب بدمايا اسرار مشاعرى وأكون معايا

يا اما هاخسر نفسى يمكن ...وبرضوا مش فارقة معايا .