Wednesday, December 31, 2008

عام جديد


زى اللى غرقان ولقى طوق نجاة

مسك فية بكل قوتة

سعيد وفرحان لكنة

مش بيضحك.. مستنى لما يوصل لبر الأمان

علشان يحس بجد ان بدأ يعيش

سعيد جدا بطوق نجاتى

عام جديد سعيد على الكل


على الهامش : بنتمنى العرب يلاقوا طوق نجاتهم

ياترى هاييجى صلاح الدين لمرة تانية ؟ ولا صعب

هل ممكن يكون موجود ؟ يمكن يكون المستقبل

إبنى أو إبنك

جايز كل شىء جايز


واللى مش جايز اننا نفضل غرقانين فى بحر من الخوف اللى إحنا حفرناة بإيدينا


بحر الحياة مليان بغرقى الحياة


صرخت خش الموج فى حلقى ملاة


قارب نجاة صرخت


قالوا مفيـــش


غير بس هو الحب قارب نجاة


دا عمنا صلاح جاهين

لو حبينا بعض كعرب اعتقد مجرد إعتقاد هنلاقى بر للأمان


9 comments:

مهرة سالم said...

السلام عليكم أخي...
كلنا غرقى في بحر الحياه
ووجدنا طوقا قد يوصلنا إلى بر الأمان
أو يغرقنى في غيابت اليم...
............

لو حبينا بعض كعرب اعتقد مجرد إعتقاد هنلاقى بر للأمان

وأنا أعتقد ذلك كذلك
......
دمت بخير..

انا حره said...

كل سنه وانت طيب يامحمد

انا حره said...

اه صحيح كنت هنسى

كل سنه وحبيبتك طيبه

mera said...

السلام عليكم

كل سنه وانت طيب يا محمد...

عندك حق ممكن يكون ابنى او ابنك,,,بس لحد ما ده يحصل لازم فعلا نحب ونعلم ولادنا الحب زى ما انت قولت لكن نبعد عنهم الكراهيه الا كراهيه واحده نعلمهم يكرهوا الاهانه ...وما يقبلوهاش... وبكده ممكن نطلع فى ولادنا صلاح دين جديد او زى القرنين حتى...لكن الاهم ان حتى لو ده ما كانش بين ولادنا وقعدنا من غيره ,هيقى مهما ادهور بينا الحال مش هنوصل لحال قوم موسى قبل ما يظهر بينهم موسى لما كان قابلين على نفسم الاهانه من فرعون واهل فرعون لمجرد العيشه..وعلشان يعيشوا,,لان لو الصوره اللى وصلتنى صحيحه يبقى احنا قربنا قوى من الشعب ده...والامل الوحيد زى ما انت قولت نعلم ولادنا الحب وحب كل حاجه الا حب الاهانه سواء ليهم او عليهم

ــــــــــــــــــــــــــــــــ
اه على فكره سلام كبير ليها وبلغها سلامى...ربنا يتمملكم على خير

اختك ميرا المصريه..

انا من اهوى ومن اهوى انا said...

نهار :

وعليكم السلام ورحمة الله وبركاتة

فعلا الحل فى اننا نحب بعض ولو حبينا بعض هنخاف على بعض ولية لاء ؟

مش صعب إحنا اللى حطينا حواجز وحدود بينا وبين بعض ياريت بنتمنى نزيل كل الحواجز

تحياتى ليكى يا نهار

وشكرا على مرورك الدائم والجميل

انا من اهوى ومن اهوى انا said...

انا حرة :

وانتى طيبة يا دكتور ربنا يكرمك وانشاء الله سنة جديدة سعيدة عليكى

اة كنت هنسى

وانتى طيبة هوصلها سلامك

ميرسى على مرورك وعلى فكرة مدونتك جميلة جدا كالعادة متألقة

تحياتى

انا من اهوى ومن اهوى انا said...

ميراااااااااااااا:

الشقية كل سنة وانتى طيبة يا بنت

وكل سنة واللى فى بالى بألف خير وسعادة وتتهنوا يارب

احنا فعلا صلنا اننا نكون اكتر من قوم فرعون سكتوا على الظلم

يارب انصرنا جميعا ، ولك الله يا غزة


وسط الأحزان دى كلها طوق نجاة زى ماقولت الفرحة مقربة ، قربنا يا ميرا

إدعيلى ، واتمنى انك تيجى فى اليوم دا

كل التحية يا عروسة النيل

Falconer said...

walahi its so sweet words i like it so much ya mido enta fe3lan ra2e3 wi ensan gamil i miss u ya man :)

Falconer said...

ashraf ezzeldien