محدش فينا مش بيحب مصر كلنا بنحبها واكتر واحد بنحس انه بكتب عنها وهو دايب فيها شوق زى واحد بيتغزل فى حبيبته واكتر كمان هو شاعرنا الجميل احمد فؤاد نجم ( النجم ) ساطع دايما فى سماء العشق الصوفى للوطن اتأثرت بيه فى اخر كتاباته وهى ( عزيزة ) ويقصد بيها مصر استفزتنى كلماته الجميله وكتبت وندهت على عزيزة معاة ودا نص الكلام
دى عزيزة بتاعه عمى ( احمد فؤاد نجم )
دوقينا يا عزيزةحته من مصر العزيزة
حتى لما بتبقى شايفه وعامله خايفه بالغريزة
هى دى مصر اللذيذة ودوقينا يا عزيزة
دوقينا بالامارة لما يمشو الناس حيارى
والوطن يسكن عمارة
والعمارة تبقى حارة
والحوارى ... ياما فيها ... واللى فيها مش كافيها
بس لما الوعد يحكم ييجى عاليها واطيها
هى دى مصر اللى باقيه بالغريزة يا عزيزة
احمد فؤاد نجم
______________________________________________________
ودى عزيزة لما انا كلمتها
يا عزيزة جاوبى عمى على الكلام
ودوقينا كلنا.... كدة بالتمام
ودوقينا .... ومتخافيش وحطى صورتى على الافيش
وقولى هو اللى قالى .. لأى ظابط او شاويش
ومتخافيش .. ياعزيزة سيان اموت ولا اعيش
بس ادوق مرة واحدة طعم بلدى
وبعدها مش فارقه لحمه او قريش
ومتخافيش
بعدك انتى والله حاسس من زمان مابشتهيش
حاسس انك ضايعه منى .... اوعى يوم ماترجعيش
وياعزيزة صدقينى ... ياعزيزة
حبك اقوى من الغريزة وجاوبى عمى يا لذيذة
يا عزيزة
محمد فوزى
طبعا محدش يقارن كلامه بكلامى انا لسه مجرد طفل بزحف وبحبى فى محراب حب شاعرنا الكبير
ليه منى الف تحيه وسلام
12 comments:
هللو محمد
شكلي أول وحدة هنا
:p
تصدق ياميدو كلامك مش كلام أطفال بتحبي ده كلام ناس كبار أوي وعارفين بيقولو ايه
حلو فعلا وربنا يخلي عزيزة
:)
امال لو كبير شويه كنت كتبت ايه
قال بتحبي قال شكلك بتخذي العين يعني
خايف من الحسد
اوكي يا سيدي
مش هنحسد اهه
وحش خالص
ولا علي نفس المستوي
ولا حسستني انهم الاتنين بتوع نفس الشخص
ولا تسلم ايدك ولااي حاجه خالص
الله
انا ايه الي جابني هنا؟
لا بجد بجد بجد
تسلم ايدك والله
واعكس الكلام الي فوق دا
السلام عليكم
انت موهوب خالص اهو
القصيدة جميلة
ومتحاولش تتواضع
ليك مستقبل ان شاء الله
الى الامام دائما
وربنا يوفقك
تحياتى ليك
:)
سلام
بسمه :
هاللو بسووووم
انتى كدة بتخلينى اتغر جداا انا مين قصاد صرح من صروح الشعر العامى فى مصر والعالم العربى كله ( احمد فؤاد نجم ) احمد فؤاد نجم بيتميز عن غبرة بأن ليه مفرداته الخاصه جدا اللى محدش بيلاقيها بسهوله انا مجرد ماشى على دربه فى الكتابه
وربنا يخليلنا عزيزة يارب وميرسى جدا على الكومنت الجامد دا
تحياتى محمد فوزى .
gohayna :
ميرسى جدااااااااااااا يا جهينتى والله على الكلام الرقيق دا
بجد انتى شايفه انهم خارجين من شخص واحد
انا فرحان جدا بالكلمه دى ، واسعدنى الكومنت بتاعك اللى مليان شقاوى اللى بيعكس شخصيتك المليانه عفرته وشقاوة وجنان وانا بموت فى الجنان
وشكرا ليكى يا جهينتى على رقتك وذوقك الجميل
تحياتى ليكى
محمد فوزى .
حدوته :
عليكم السلام ورحمه الله وبركاته
يسمع منك ربنا وحد يلاقينى ويكتشفنى لان بجد انا بلاقى نفسى فى الكتابه وبلاقى نفسى جدا معاكو هنا فى المدونه من خلال كتاباتى ومن خلال الكومنات بتاعتكو اللى بتسعدنى جدا لما بتعجبكو وبفرح اكتر واكتر لو شايفين اى نقد ممكن تقولوهولى لانكم مرايه لى بشوف نفسى جواها ، وربنا يكرمنى ودايما اكون عند حسن ظن الكل .
وتحياتى ليكى يا اجمل حدوته
محمد فوزى .
وهي بجد بجد عزيزة ومحفورة في القلب وتحت الجلد وجوة مجرى الدم
تسلم إيديك
يامراكبى :-
طبعا يا مراكبى هى امنا كلنا وبنحبها من قلبنا مهما تقسى علينا ومهما تغربنا برضو مالهاش الا احنا واحنا مالناش الا هى بلدنا مصرنا
وشكرا لزيارتك الجميله
تحياتى
محمد فوزى
محمد
يا ميدو
ازيك يا حج
انا جايه امسي اوديك كوبايه عصير
يلا رمضان جاي بقي واستعد يا حج
عشان تصوم مش زي كل سنه يعني
كل سنه وانت بخير يا محمد
فين الفانوس بقي؟
gohayna
جهينه كل سنه وانتى طيبه يا قمر
ورمضاااااااااان كرييييييييم وميرسى على العصير اللذيذ دا كفايه انه من ايدك يا فندم ، بس انا ولله الحمد منذ الصغر بصوم يعنى لحد الضهر هههه :( ربنا يبلغنا رمضان ويارب يارب يغفرلنا كل خطايانا فى رمضان ، انتى بس شدى حيلك وصومى علشان شكلك مفجوعه اساسا .
وكل سنه وانتى طيبه
تحياتى
محمد فوزى
كل سنه وانت طيب يا مجمد
رمضان كريم يا سيدي
انت فين يا حج؟
يعني حتطلع كده الأول بإذن الله
في الشعر والنثر والطيران وما شئتم
يعني حتطلع كده راجل بإذن الله
مش م الخنافس تخاف من هجمة الفانتوم
كلمات كتبها المبدع العظيم نجيب سرور وأحب أهديها لك.
تحياتي
ضياء
Post a Comment