افتح بابــــك

افتح بابك

افتح بابك عالاخر

دى الدنيا حلم مهاجر

فاتح حضنه بيتفاخر

طول عمرة طير ومسافر

افتح بابك متخافشى

دى الدنيا سؤال مسألشى

ومسيرنا من الدنيا هانمشى

راحت احلامنا مجاتشى

افتح بابك للايام

صاحيه عيونا ولا بتنام

بص لبكرة وللاحلام

واخدة الدمعه على الاحزان

افتح بابك متقولشى

دا حبيبى راح مرجعشى

دا اليأس مسيرة هايمشى

والفرح رفيقى وشمسى

افتح بابك للافراح

يمشى الحزن ويبقى صباح

تتبسم وتعيش مرتاح

تنقلب الاحزان افراح

افتح بابك يوم لى

دا مكانك جوة عنيى

ليه بتخاف من ليالى

طول عمرك تجرح فى

افتح بابك عدينى

بابك جنه بتحيينى

حضن شفايفك يروينى

واعطش تانى وتسقينى

افتح بابك يوم تانى

حضنك مشتاق لحنانى

يومها هاكون قاتل جانى

واقتل شوقك بحنانى

شوقك مات بين احضانى

تهدا وتطلب من تانى

لو لبيت راح تنسانى

خلى اشواقك عايزانى

محمد فوزى