وشـــوش

وشــــوش الــــناس

دا وش يضحك قصادك

وهو بـــألف وش

تدور بوشك عنه

يسرقك ويغــــش

تصفى له تانى فى يوم

وتقول خلاص معلش

يجرحك من تانى

برضه ماتتعلمش

ووش هادى صريح

مكتوب عليه تصريح

او دعـــوة للتفاريح

انا عمرى يوم ما اغش

ووش كـــــله حنان

بيفكــــــــرك بزمــــــــــان

ايام ماكنا وشوش

فى اللفه ما اتفطمتش

ووش تانى جرىء

فطموة غيار الريق

قايد فى قلبه حريق

ماهو اصله طار ماعرفش

كان نفسه يبنى العش

ويعيش مايتألمش

لكنه يومها اتمنى

انه يموت مايعيش

محمد فوزى