معايا ولا مش معايا
مش فارقه تبعد عن هوايا
ضحيت كتير فى سنين صبايا
واخترت اعيشلك للنهايه
اخترت اعيشلك ويا نفسى
ويبقى همسى وكل شمسى
ويبقى امسى ...... صمتى وُبكايا
معايا ولا مش معايا
.............
اوعدك فى هواك معايا
اوعدك هاتكون حكايه
اوعدك هاتكون بدايه
.............
اوعدك بهواك هاتبقى
جوة قلبى فى كل دقه
وعمر يوم شوقك مايهدى
من هواك احلامى شاردة
معايا ولا موش معايا
...........
ولو معايا هاتبقى سِكة
طول طريق عمرى اللى عدى
................
ولو معايا هاتبقى رحله
نمشيها... وتكون البدايه
محمد فوزى
مش فارقه تبعد عن هوايا
ضحيت كتير فى سنين صبايا
واخترت اعيشلك للنهايه
اخترت اعيشلك ويا نفسى
ويبقى همسى وكل شمسى
ويبقى امسى ...... صمتى وُبكايا
معايا ولا مش معايا
.............
اوعدك فى هواك معايا
اوعدك هاتكون حكايه
اوعدك هاتكون بدايه
.............
اوعدك بهواك هاتبقى
جوة قلبى فى كل دقه
وعمر يوم شوقك مايهدى
من هواك احلامى شاردة
معايا ولا موش معايا
...........
ولو معايا هاتبقى سِكة
طول طريق عمرى اللى عدى
................
ولو معايا هاتبقى رحله
نمشيها... وتكون البدايه
محمد فوزى
16 comments:
انا كنت فاهمة فى الاول انه سابك وانت يا ما ضحيت عشانه وبالتالى مبقاش فارق معاك انه مش معاك
بس اتضح انك لسه بترسم الطريق معاه
جميل البوست وربنا يوفقك يارب تحيااااتى
:)
نسيييت اقول انه شرفنى واسعدنى اكون اول كومنت
وبلاش تتاخر كده فى البوستات تانى
كفاية علينا اسلوبك الحلو واحساسك العالى
متحرمناش منهم كتير
جميله موت يافنان
انت بقى مختفى قوى كده ليه؟؟
اه على فكره
حفلة أيامنا الحلوه يوم 27 يوليو الساعه 8:30 فى ساقية الصاوى
اكبر تجمع بلوجرى اوعى يفوتكو
Blogger Radio Station
حدوته :
يا فندم الشرف لى انك موجودة معانا دايما ويارب علطول البوستات تعجبك ، بس والله موضوع تأخير البوستات مش بأيدى دا مرهون بأنى الاقى الموضوع اللى يشدنى ويعجبكو ودا صعب جدا ومش سهل بس انشاء الله دايما اكون متواجد وميرسى لذوقك يا اجمل حدوته
تحياتى
محمد فوزى
وينكى :
حبيبه الكل
ميرسى يا جميل ويارب دايما كتاباتى تعجبك ، انا مش مختفى والله بس ظروف الشغل انتى عارفه بهدله وداخلين على رمضان والشغل كتير جدااااااااا دعواتكو لي ، وبجد هاحاول والله احضر الحفله انشاء الله
تحياتى
محمد فوزى .
بوست جميل بجد واكيد هتكون معاك لو فعلا لمست الصدق في كلماتك واحساسك
وانشاء الله معاك
سلامي ليك
tota:
صباح الخير يا توتا
ميرسى على ذوقك وكلامك الرقيق
وياريت ربنا يوفق الجميع ومحدش يبعد ابدا عن حبيبه او اللى بيتمناة
تحياتى
محمد فوزى
جميله اوى واحساسها عالى
فى تضاد فى الكلام
انه مش فارق معاك وجودها
ومع ذلك لسه مصمم ترسم طريقكم
جميله يا محمد
ماكتبتش بقالك كتير يا معلم
شغل برضه ولا ايه النظام؟؟؟
السلام عليكم
مدونتك هايله بجد
وعلى فكرة الي شدني ادخلها شطر البيت بتاع قيس بن الملوح
(انا من اهوى ومن اهوى انا نحن روحان حللنا بدنا )
انا توقعت الاقي جميع قصائد قيس
بس شعرك بجد جميل
تحياتي ليك
رينا :
صباح الخير يا رينا
احب اشكرك على طبعا برغم انى مقصر جامد جدا معاكو بجد فى عدم دخولى عندكو الا انكم باستمرار معايا وموجودين ومناكفين ويارب دايما الاقيكو اجمل اخوات جمبى علطول
تانى شىء هو لو بصيتى شويه هاتلاقى مفيش تضاد بمعنى ان التضاد جاى من ( الحوار الخفى بينه وبين حبيبته ) اللى هو انى بحبك ومش عاوزك ترحلى وتسيبينى بس لو مشيتى وهونت عليكى مش هاتفرق معايا صحيح هافضل احبك جوة نفسى لكن مش هاترجاكى ترجعيلى ، وبعد كدة بصى بقى بيحبها قد ايه ( ولو معايا هاتبقى رحله ولو معايا هاتبقى سكه ) برضو هايموت عليها وبرضو بيعرض عليها عدم الرحيل بس يمكن الله اعلم كبريائه مانعه عن انه يقولها بصراحه .
تمام يا رينا
ودى كانت نهايه فرقه عزيز عيد وجورج ابيض :( ونتقابل فى الحلقه القادمه مع برنامج حكايات من زمن فات .
تحياتى
محمد فوزى
وينكى :
حبيبه الكل : يا فندم انا اقدر اتأخر عنكو استحاله ، بس بجد الشغل مبهدلنى انا عارف انى بعيد عن الناس والناس زعلانه منى بس والله ظروف الشغل هى اللى منعانى ولكن انشاء الله هتواجد قريب جداااااا وبقوة
تحياتى يا وينكى
محمد فوزى
الدمعه :
صباح الخير
واهلا بيكى فى مدونتى المتواضعه جدا ويارب دايما المدونه تعجبك ، اما بخصوص اختيارى للبيت انا من اهوى فهو فعلا بيت جميل جدا انا بحبه من ايام الكليه
( انا من اهوى ومن اهوى انا ، نحن روحان حللنا بدنا فاذ ابصرته ابصرتنى واذ ابصرتنى ابصرتنا )
بس عذرا البيت دا مش لقيس بن الملوح
البيت دا خاص بالمتصوف ( الحلاج )
وقال البيت دا وقال اكتر منه كمان وبسبب البيت دا مات موته منيله
قالو انه بيتكلم على الذات الالهيه وقال بالحلول
( اى بحلول الذات الالهيه فى الناسوت اللى هو الجسد البشرى ودا كفر )
ماعلينا المهم ان البيت للحلاج وانشاء الله هانشر قصه حياته قريب لانها بجد جميله جدا .
تحياتى
محمد فوزى
ياسيدي يا سيدي
ايوه كدا الله ينور عليك
جميل انك تحس انك بتحب لدرجه انك مش فرق معاك انه يكون موجود ولا لا
لانه بيكون معاك في كل وةقت
احساس عالي بالحب بهنيك عليه
ويارب تكون في الحقيقه غرقان فيه
تسلم ايدك يا محمد
تحياتي
gohayna:
مساء الخير يا جهينه
يا سلام على الناس الرايقه اللى بتيجى فى الاخر وتحط ايدها وتسيب بصمتها بجد انتى عبرتى بكلك كلمه عن اللى كنت عاوز اقوله بس الكلام كان بيتزخلق منى شويتين
هو كدة بالظبط يا فندم اللى قلتيه بيحبها لدرجه انها مش فارقه معاة تبقى موجودة جمبه ولا لاء لانها كدة كدة عايشه جواة ومش بتفارقه
تحياتى ليكى
تحياتى
محمد فوزى
الى محبى الفنان الجامد أوى و الأنسان الرائع أوى خالد الصاوى شاركوا مدونة عندليبيات تدعوكم لحضور لحفلها الذى تقيمه بمناسبة مرور عام على مدونة خلود... قيه تورتة ماتخفوش
Post a Comment