مسرحيه
مش بحبك ايوة قلبى حبها
ومحتاج لها .... وعمرى ما ابعد عنها
ليه أحبك ! ..... وانتى خنتينى زمان
دلوقتى جايه تكلمينى عن الحنان
دلوقتى جيالى عشان ...
ارجع الماضى اللى كان
ايام زمــــان
فينك انتى وفينها هى
حبها مكتوب فى قلبى وفى عينى
وحبها راسم حياة مخلوقه لى
اما انتى كان حنانك مسرحيه
مكتوبه لى ..... علشان اكون لك الضحيه
علشان اكون لك زى لعبه تتسلى بى
وتكون نهايتى مأساويه
محمد فوزى
مش بحبك ايوة قلبى حبها
ومحتاج لها .... وعمرى ما ابعد عنها
ليه أحبك ! ..... وانتى خنتينى زمان
دلوقتى جايه تكلمينى عن الحنان
دلوقتى جيالى عشان ...
ارجع الماضى اللى كان
ايام زمــــان
فينك انتى وفينها هى
حبها مكتوب فى قلبى وفى عينى
وحبها راسم حياة مخلوقه لى
اما انتى كان حنانك مسرحيه
مكتوبه لى ..... علشان اكون لك الضحيه
علشان اكون لك زى لعبه تتسلى بى
وتكون نهايتى مأساويه
محمد فوزى
18 comments:
السلام عليكم
دا انت طلعت شاعر بجد :D
بص هى بجد جميله
فكرتها حلوة اوى
بس كانت محتاجه منك شويه مجهود
كانت هتطلع احلى من كدا
بس هى حلوة بردوا
بس انت يطلع منك احسن من كدا
بس الفكرة جامدة جدا بجد
ياله سلام بئا :P
السلام عليكم
حلوة جدا بجد
كلامها مرتب ومنطقي
سلاماتي وتحياتي
رينا :
وعليكم السلام ورحمه الله وبركاته
ايوة يا رينا انا شاعر بجد بس شاعر بالفرحه بالبهجه لما بتنورينى وكلكو بتنورونى ، وميرسى على نصيحتك الغاليه انا حاسس كدة ان انا استعجلت على التحويجه قبل ماتستوى اصل بينى وبينك هى حاله وطلعت منى معرفتش لا اعدل ولا اظبط فيها طلعت خبط لزق كدة على الورق ودا صعب جداان شىء يطلع كدة مرة واحدة بدون تعديل ، وربنا يخليكى يارب وميرسى لذوقك الرفيع .
محمد فوزى .
mesh2dra :
وعليكم السلام ورحمه الله وبركاته
يسعدنى جدا انها عجبتك ويارب دايما كل اللى بكتبه يعجبكو دا شىء بجد بيسعدنى جداا جدا
وتحياتى محمد فوزى
مدونة ظريفة بجد .. أنا دايما بيعجبني الشعر بالعامية المصرية .. علشان ده هو الحاجة اللي ما بعرفش أكتبها أبدا .. ولا عارف أتعلمها
يامراكبى :
شكرا لزيارتك لمدونتى ويارب متكونش الاخيرة ، واتمنى ان انت تحقق كل اللى بتتمناة وبتحلم تحققه انشاء الله .
محمد فوزى
سلام عليكم
بص يا استاذ محمد الزجل ده جميل جداً
بس تعديلات بسيطه جداً من اخوك ياسر ويبقى اتظبت خالص ..
طبعاً انا راجل فاشل كبير فى الزجل ..
بس انته لما تشوف عندى اى وزن بايظ ساعدنى فيه ..
عموما انا هقولك ايه اللى عايز يتظبط ويتظبط ازاى ..
ليه أحبك ! ..... وانتى خنتينى زمان
دلوقتى جايه تكلمينى عن الحنان
ليه أحبك ! ..... وانتى ياما خنتى زمان
دلوقتى جايه تتكلمى فـ الحنان !؟
حبها مكتوب فى قلبى وفى عينى ( زورد ألف فى الاخر ) عنيا
وحبها راسم حياة مخلوقه لى ( وهنا )
علشان اكون لك زى لعبه تتسلى بى ( وهنا )
تحياتى ليك ..
ياسر سليم :
اخى ياسر سليم انا بشكرك جدا جدا على اضافاتك وعلى مجهودك فى انك تخلى الزجل يطلع بشكل كويس ودا وان كان يدل فهو يدل على انك انسان جميل جدا
بس عارف هى المشكله فى ايه ان انا بكتب فى حاله معينه وبقصد كل حرف فعارف بيبقى صعب على اوى انى اغير تانى مش لشىء والله غير ان كل كلمه بجد بتبقى عزيزة على جدا عارف بحس انها بجد ضنايا
صعب تفرط فيه ، انت راجل بتكتب شعر واكيد فاهم الكلام دا ان حروفك بتبقى عزيزة اوى عليك مش معنى كدة ان انت متقوليش على فاكارك وتعديلاتك لاء بالعكس انت لو معملتش كدة انا هازعل
لان انا هادخل عندك واقول رايى فى كل كتاباتك وهاعدل برضو اما حريه التعديل مكفوليه ليك انت فى الاول وفى الاخر ، يارب تفهمنى وجزاك الله خيرا وانا سعيد فعلا بمعرفه انسان جميل زيك
تحياتى محمد فوزى .
هى
مسرحيه
ولعبتيها صح ..وكانت كلها عليا
حبتها وانتى كنتى فى تمثليه
بس هى
مسرحيه
اللللللللللللله يا محمد
بجد والله روعه
خلتنى اكتب الكلام ده؟
الموقف احساس
والاحساس طلع كلام جميل جدا
تحياتى يا محمد
...............
على فكرة وصلنى الكلام فى الكومنت
وصلنى
تحياتى
الله يسامحك
دي زمانها انتحرت خلاص
مش هتعيش بعد الكلمتين دول
حرام عليك يا محمد
كنت قاسي عليها جامد في المسرحيه
بيني وبينك
هيا تستاهل عشان ضيعتك من ايدها
المهم بجد كلام حلو وبيوجع
تسلم ايدك يا محمد
تحياتي
شيماء الجيزى :
صباح الخير ياه الكلام الجامد دا انتى ناويه تكتبى شعر ولا ايه ربنا يستر احسن لو كدة محدش هايدخل يقرالى تانى ، وميرسى على كلماتك الجميله دا بس من ذوقك ،
الحمد لله ان الكومنت وصلك ويارب دايما اشوفك على خير .
محمد فوزى .
gohayna :
المسرحيه هى نهايه كل انسانه ضيعت انسان حب بكل كيانه حب وكان حبه ايمانه اللى مخليه يكمل فى طريقه وفى حياته ولما يضيع الايمان بالحب بالتالى شىء طبيعى لازم ييجى الرفض او الكفر بالحب على المستوى الانسانى ودى مش نهايه دى بدايه والحمد لله ان الشخص دا مارجعش يضعف قدام حبيبته اللى ضيعته .
خالص تحياتى يا جهينه وشكرا لمرورك وزيارتك الجميله
محمد فوزى .
علي فكره الصوره جامده جدا نسيت اقولك
سؤال بس
انت مش من مؤيدي الفرصه التانيه ولا ايه
يعني لو احده غلطت ورجعت ندمانه وبتعترف بخطأها
مش من حقهها انها تلاقي ولو زره سماح
مجرد سؤال يا محمد
تحياتي
جميلة جدا
جهينه :
الصفح والمسامحه دى من انبل الصفات اللى ربنا وضعها ربنا فى الانسان لان الله غفور رحيم ولكن ! فيه بعض الاشياء لايمكن الصفح فيها وخاصه فى الافعال اللى بتخص الكرامه والرجوله والدين مثلا زى الخيانه اعتقد انها لايمكن فيها الغفران وربنا فى محكم تنزيله وضحلنا كل الكلام دا ،انا مش ضد اى فرصه تانيه ولا انا انسان متزمت بس على قد ما الانسان اللى قدامى يحترمنى على قد ما هاتكون درجه غفرانى لأخطائه .
محمد فوزى
شارم :
شكرا لزيارتك ويارب دايما الاقيك موجود
تحياتى
محمد فوزى .
عندك حق يا محمد
مقدرش اغلطك ابدا كل كلامك صح
وجدير بالاحترام
فيه اشياء لايمكن التانازل عنها باي حال من الاحوال
تسلم ايدك يا محمد
جهينه :
ربنا يكرمك يا جهينه يارب وميرسى لزيارتك الدايمه اللى بتسعدنى وارائك اللى دايما بتسعدنى وبتوضح مش ليكى بس لاء للناس كلها وجهه نظرى.
ودمتى بألف خير
محمد فوزى
Post a Comment