بحس بيك
سيبنا بعض لكنى لسة بحس بيك
سيبنا بعض وشوق عيونى بيناديك
سيبتنى و الشوق مالينى وكمان ماليك
جرحتنى وانا لسة ببكى بشوقى لعنيك
لسة فاكر ضحكتك.. مجلجة تشق السكون
لسة فاكر لمستك وسط العيون
لسة فاكر كل همسة ودمعة تنزل م العيون
سنين كتير وانا مداريكى بشوقى الحنون
وسيبنا بعض ...
لكنى باقى عاللى كان فى يوم مابينا
ولسة مشتاق وقلبى يصرخ فى السكون
وقلبى عذرة من الجنون
انى لسة بحس بيك
10 comments:
الله عليك
كلامك جميل جدا وكمان احساسك واضح فيها
( رصيف نمره خمسه)
تحياتى
إيمى :
أولا حمد الله على سلامتك من بعد الامتحانات وربنا يوفقك انشاء الله
وميرسى جدا على زيارتك لى وعلى كلامك الجميل دا
اتمنى وجودك الدائم بداخل مدونتى المتواضعة وانشاءؤ الله اكون عند حسن ظن الجميع
تحياتى
محمد فوزى
العزيز
محمد فوزى
سعيد بمرورى على هذا الكلام الجميل
والاحساس الراقى وياريت ترجع المياه الى مجراها..بلاش سيبنا بعض طالما المشاعر موجودة يبقى لازم نحاول من اجل الاستمرار
شكرا لك
الأستاذ حسن :
استاذى العزيز شرفت بزيارتكم الغالية
وخصوصا اننا بلديات مع حفظ المقام لسيادتكم فأنا أصولى من السنبلاوين مركز ديو الوسطى ولى عظيم الشرف
تحياتى لزيارتكم وانشاء الله المرة المقبلة تكون مناسبة سعيدة
كتير بيحصل
حتى بعد الفراق
اعراض الحب مستمرة
بنحس ببعض
وكأننا ماافترقناش
وكأننا لسه مع بعض
.
.
كلماتك جميله بجد
تحياتى ليك
برينسيس دودو :
عارفة اجمل ما فى الموضوع اية برغم كل الالم اللى بنعيش فية وذكريات الماضى ؟
انى الاقى اصحاب زيكوا يقفوا جمبى
واقلامهم ترسم لو حة جميلة من الصداقة اللى بجد
انا مش عارف اقول اية بس بجد كل تعليق منكوا بينقش جوة قلبى كلام جميل اوى
تحياتى ليكى وبتمنالك السعادة
محمد فوزى
كلام جميل كلام معقول مقدرش اقول حاجه عنووو اشطى يمان كلامك كلو بجد تحفه وفمحلو اكيد ياريت تشرفنى
اسعدنى المرور بمدونتك وأتمنى لك التقدم والمزيد من الاهداف النبيلة
كما أدعوك لزيارة مدونتى والتى محتواها
تعالوا نسافر المسافات الى زمن من المحبة لاينتهى
كما أدعوك لقرأة قصتى
(بكل لغات العالم أحبك)
أدم المصرى :
سعدت بزيارتك يا أدم وانشاء الله
إنتظر زيارتى لمدونتك
تحياتى
أمل فتحى :
يا أمل دا انا اللى يشرفنى تواجدك بداخل مدونتى المتواضعة
واتمنى لك كل التقدم والسعادة
انتظرينى بداخل مدونتك إنشاء الله
تحياتى
محمد فوزى
Post a Comment