رفعت راياتى
رفعت راياتى فهل تقبلين حبى و أهاتى
رفعت رايات حبى وانهزاماتى
وتجرعت اكوابا من الصبر فوق احتمالاتى
وشردت وتهت فى ازمنه من فتوحاتى
اهديها لأجل عينيكى مع شوقى وقبلاتى
ووعود منى لكى
بأنك مليكة عمرى الماضى والأتى
وحب دائم ازلى
من الميلاد وحتى مماتى
ولكنى وجدت الغدر منك
فلا تعيبى الزمان وعيبى
غدرك انتى
يامن كنتى فى يوما مسراتى
رفعت راياتى ومضيت
استكمل فتوحاتى
وابحث عن
من يبجل يوما
اشواقى واهاتى
مع من يحارب معى
وتبهجه انتصاراتى
رفعت راياتى .
محمد فوزى
18 comments:
وجعتني يامحمد كلماتك وجعتني قوي يمكن عشان حسيتها وحسيت بشجنك والمك وسط كلماتك
النوع ده من الجرح بيفضل علطول يوجعنا ومش بيلتئم الا لوجيه مين يدواي الجرح ده وبرضوا مش هيكون زي اللي غدر بيك وصعب يحل مكانه
مش عارفه اقولك ايه بس ربنا معاك وهوه بس اللي هتلاقي معاه راحه قلبك
ربنا يسعدك واشوف بوست جديد ليك مليان كله بسمه وفرح
بيقولوا الكلام اللي من القلب بيوصل للقلب وانا مكتبتش مجرد تعليق انا كتبت لصديق واخ من قلبي
سلامي ليك وكل الود
tota:
صباح الخير
اولا الكومنت بتاعك دا يمكن من اصدق التعليقات اللى وصلتنى طول فترة تدوينى
انا عارف اننا اخوات واصدقاء وربنا يديم المحبة اللى بينا كلنا انا فعلا بجد بلاقى راحة لما بدون وبكتب وبلاقى تعليقات على اى شىء بيمر فى حياتى سواء فرح او حزن بلاقى ناس تقف جنبى
اصدقاء بجد واخوات بجد
هاعوز اكتر من كدة اية تانى ؟
انا موش زعلان انا فرحان انى لقيت جمبى ناس حاسة بى لقيت كلمة مساندة وايد بتتمد لى
واكيد بكرة احلى انشاء الله
وربنا ينولنا كلنا اللى بنتمناة و اللى يرضاة لينا ربنا
توتا انتى بجد اخت عزيزة ربنا يكرمك
ويوفقك فى حياتك
تحياتى
اخوكى محمد فوزى
بجد كلامك حلو
وقبل كلامك أسم مدونتك مالهوش حل
ياريت الرجالة كلهم يعرفوا كدة
تحياتي لأرق كلمات
عجبني قوي البوست يا محمد
بجد اسلوب جميل
واعذرني مكنتش بدخل كتير الفتره اللي فاتتفمكنتش متابعه
بالتوفيق وفي انتظار الجديد
مفقوعه مرارتها من حماتها :
اسم بجد هايل
فين اخواتى البنات هايرفعوا ليكى القبعات ، على فكرة انتى اللى اسم مدونتك جميل جدا والفكرة فى حد ذاتها جميلة فعلا
اما بخصوص مدونتى فبجد اللى يفهمها
يقول ان الستات محدش يقدر عليهم زى الاعشاب الصغنونه الضعيفة الرقيقة دى اى نسيم بيحركها ويخليها تنحنى اما العواصف بجبروتها مبتقدرش تكسر الاعشاب الرقيقة اللى تظهر لنا انها ضعيفة لكنها بالعكس اقوى من اقوى عاصفة
انا مش بذم فى السيدات بالعكس انا بقول ان دى طبيعتهم اللى كلنا عارفينها وبنحبها وبنموت فيها كمان
وميرسى لزيارتك ويارب تتكرر دايما
تحياتى
محمد فوزى
ألاء:
صباح الخير ولعل المانع فى غيابك خير انشاء الله
سعيد جدا ان البوست عجبك
واتمنى الجاى يسعدك
وانشاء الله دايما كلنا موجودين وبخير
تحياتى يا ألاء
محمد فوزى
سلام عليكم
ازيك يا عم محمد
البيت الاخير ده جامد جداً
اللى بتقول فيه
محمد فوزى
:D
ياسر سليم:
ههههههه
انت الوحيد اللى فاهمنى فنان يا ياسر والله طلعت منى اللى انا نفسى مكنتش عارفة
حمد الله على سلامه الوصول وعوووودُ احمد
محمد فوزى
أدينى بعيد لك تانى نفس البيت
كلمات جميلة
انت شاعر رائع
تحياتى لك
احمد الصباغ
احمد الصباغ :
انا بشكرك جدا يا احمد على زيارتك
ويارب المدونة تكون عجبتك وانشاء الله دايما تعجبك
اتمنى اكون على حسن ظن الجميع
تحياتى
محمد فوزى
الكلام حلو قوى قوى بجد
وحاسة انه طالع من جوا القلب
الصورة كمان حلوة قوى ومعبره
وكمان احيى وجهه نظرك عن المراة من عنوان مدونتك
أهو دا عيبة :
انا بشكرك جدا على زيارتك وعلى مجاملتك الرقيقة دى
هو فعلا الكلام من جوة القلب وحاسس كل كلمة كتبتها لانى فعلا عايشها
شكرا لزيارتك واتمنى تتكرر انشاء الله
تحياتى
محمد فوزى
للاسف كلنا او على ىالاقل الاغلب
نفس الجرح الذى لا يطيب ابداا
غدر الاحباب او على الاقل اللى كنا نظنهم احباب
:(
تحياتى
ازيك يا مان
طبعا انت عارف رأيي سلفا فامفيش داعى انى اقوله
لكن اتمنى ان الحزن اللى جواك يكون أقل من حزن كلماتك
أشوفك على خير قريب ان شاء الله
نهر الحب :
فعلا نفس الجرح ونفس الالم ولكن انشاء الله ربنا هايعوضنا واحسن من اللى فات
واكيد بكرة احلى
تحياتى وشكرا لزيارتك
اتمنى انى اكون عند حسن ظن الجميع
محمد فوزى
وينكى :
حبيبة الكل
اولا انا بشكرك جدا على خرصك على انك تسمعينى وتقفى جمبى
وبجد انتى اجدع صديقة ويارب يديم الصداقة والاخوة اللى بينا يا احلى وينكى
وانشاء الله لينا لقاء قريب
تحياتى
اخوكى محمد
ياسلااااااااام
اولا اسم مدونتك جميل جدا جدا دى اول مرة ادخل عندك بس مش الاخيرة ان شاء الله
ثانيا البوست حلو اوى ومؤثر وحسيت بالكلام كله انتى اكيد كتبته فعلا من قلبك عشان كده بيوصل للى يقراه
بحييك بجد واتمنى ان كل مدون يكتب زيك كلام يطلع من القلب عشان يوصل للقلب بسرعة
سلام
Post a Comment