بس خلاص ..... ضاع الاخلاصكل شىء فى حياتنا خلاص
مافيهوش اخلاص
اخلاص ... ماخلاص دى كلمه قديمه وراحت
مالهاش اى اساس
الدنيا بتفوت احلامنا بتموت
مش فارقه الدنيا بتجرى...
ولا حتى الوقت يفوت
اخلاص احساس وكل معانى الدنيا
خلاص
ضاعت بين الناس
احساس ما خلاص
دا كمان برضو مالهوش مطرح... بين الناس
والناس .. تتصور ... عايزينا نتغير
ونتوة.. وندوروالله دى حاجه تحير
دا طريقنا منا يفوت
والحيرة ... جوانا
ماخلاص... يا هوانا
اخلاصنا وحيد جوانا
الدنيا بتفوت احلامنا بتموت
مش فارقه الدنيا بتجرى...
ولا حتى الوقت يفوت
اخلاص احساس وكل معانى الدنيا
خلاص
ضاعت بين الناس
احساس ما خلاص
دا كمان برضو مالهوش مطرح... بين الناس
والناس .. تتصور ... عايزينا نتغير
ونتوة.. وندوروالله دى حاجه تحير
دا طريقنا منا يفوت
والحيرة ... جوانا
ماخلاص... يا هوانا
اخلاصنا وحيد جوانا
مكبوت مالهوش صوت
واهوعايشين
واهوعايشين
مش فارقه ولا حتى نموت
محمد فوزى
محمد فوزى
16 comments:
ايه يابنى اللى حصل لكل ده؟؟؟
انا باكره التعميم على فكره
مش عشان حاله واحده غير مخلصه تتهم الكل بكده
فوق من النكد ده دانا جايبه خبر حلو
انا عامله تجمع بلوجرى جامد جدا بمناسبة نجاحى وتخرجى على خير
التفاصيل على مدونتى الصغنونه..اللى من غير فذلكه
وينكى:
حبيبه الكل
يابنتى اولا تقولى اهلا اذيك وبعدين تقولى اللى عاوزاة ، انا مش بعمم ولا حاجه يا وينكى وبعدين دى حاله مش لازم اكون شوفتها يعنى ممكن تكون نتيجه مشاهدة او خبرات مختزنه مش شرط انى اكون انا اللى عايشها ؟، اما بخصوص الخبر الحلو انشاء الله هتلاقينى موجود فى الحفله انشاء الله بس ادعيلى اخلص شغل بدرى يومها ، تحياتى ويارب تكونى بخير والف مبروك لنجاحك
سلام عليكم
ازيك يا محمد باشا
الكلمات ممكن نقول ان فيها احساس عالى
بس ما كنتش موفق فى الأوزان المرة دى
وانته ممكن يطلع منك احلى من كده بكتير
فرجاء من واحد بيحب يقرالك انته ممكن تخلى الكلمات موزونة وكمان مليانة مشاعر واحساس
فمتحرمناش من ده
لسنا في زمن الاخلاص ترانا في اي زمن نحيا؟؟
كلامات مليانه شجن
بتمنالك كل الخير
--------------------
مدونتك كانت ضايعه مني واخيرااا لقيتها بقالي فتره بدور عليها
سلامي ليك
ياسر سليم :
عليكم السلام ورحمه الله وبركاته
اخى العزيز ، فعلا هو موضوع الوزن المرة دى مش زى ما كنت ماشى انا حبيت اجرب لون جديد لان الكلمات دى انا كتبتها وهى متلحنه فعلا فمشيت على اللحن وكتبت عليه كلمات ولو بجد عاوز تعرف اللون اللى مشيت عليه اسم اغنيه بس سكوت لفريق ام تى ام انا حبيت بس اجرب نفسى فى اللون دا بس بكلمات انا حاسسها ، تحياتى ليك ولمتابعتك الجميله وشكرا ليك على نصيحتك الغاليه
تحياتى
محمد فوزى .
tota:
ميرسى لذوقك يا توتا بجد انا حابب الكلمات اوى المرة دى برغم ان صياغتها جديدة على شويه
فرحت اوى لما قلتى انك كنتى بتدورى على مدونتى دا بيدل على انى بمثل لك شىء او بقدم شىء فيه ناس بتقدرة وبتحبه
متتصوريش فرحتى قد ايه
تحياتى ليك ويارب دايما موجودة معانا
محمد فوزى .
اممممممممممممممم
اممممممممممممممممم
اممممممممممممممممم
كان ممكن يطلع احسن من كدا بتير منك
بس تمام
اعتقد ان الاخلاص موجود بس احنا نحسن الاختيار
تحياتى
ياااه
اصعب حاجة يضيع الاخلاص
ولا يبقى فيه امان ولا ثقة
بجد احساس صعب
لما تلاقى اقرب الاناس ليك مش مخلص
بتتتخنق وتحس كل الدنيا ضدك
وتفقد اى معنى لراحة البال
تحياتى ليك
موضوع البوست جااامد
رينا :
رينا انا مش عارف اقولك ايه على ثقتك الغاليه فى وثقتك انى ممكن اطلع حاجات اجمل من كدة ، بس والله يا رينا انا كنت بكتب على لحن معين يعنى دى زى ما قلت للأخ ياسر سليم انا كتبت على لحن يعنى عكست الموضوع مش شعر وبعدين يتلحن لاء هو لحن اتكتب عليه كلمات
اما بخصوص وجود الاخلاص فهو موجود ، بين الاحباب وبين الاصدقاء لو بجد بيحبو بعض
جدا ، انا افتكر انى يوم من الايام كنت هاموت علشان اعز صديق لى علشان هو مايتأذيش كنت فعلا هاموت بس كنت مبسوط وسعيد ، الاخلاص فى الحب فى الصداقه فى العمل شىء جميل جدا وبجد بدون اخلاص حياتى هاتكون بدون وعى بدون جدوى .
تحياتى ليكى
محمد فوزى
hadota
فعلا انا معاكى فى كل كلمه لو ضاع الاخلاص فى حياتنا هانتوة ولو فكرنا شويه هنلاقى ان الاخلاص مشتق من الحب لو حبينا هانخلص ولو مااخلصناش يبقى ماحبيناش ودا بينطبق على كل حياتنا
لو حبينا ربنا هانخلص فى العبادة ، لو بينا بعضنا هانخلص لبعض ونعيش واحنا بنحب بعض .
تحياتى ليكى
محمد فوزى
السلام عليكم
جميلة يا بشمهندس
مانقدرش نقول ان مفيش اخلاص
وفي نفس الوقت نسبة اللي عندهم
اخلاص ماتخلناش نقول ان فيه اخلاص
فاهم حاجة؟
يعنى فيه آه
بس قليل جدددددددددددددددددااااااا
سلاماتى
mesh2dra :
صباح الخير ، مممممم الحقيقه فهمت طبعا
وموافقك جدا جدا ان الاخلاص اصبح وجودة قليل جداا وشحيح جدا بس برضو موجود وهايفضل موجود لان الصفات دى ربنا خلقها فى الانسان طبيعه ومهاما اتغيرت الظروف اللى حوالين الانسان برضو فى لحظه لازم يرجع لطبيعته مرة تانيه
وتحياتى ليكى يا فندم وشكرا لزيارتك
محمد فوزى
مالك يا محمد
ايه الي حصل بس
المود قلب ليه كدا
جايز تكون حاله اتاثرت بيها
بس الحمد لله يا خويا الي مريحني ان الولد هو الي بيخون
يعني مش راجلين الي قاعدين وهيا الي غلطانه
اديك اعترفت بنفسك ان نسبه الخداع من الرجاله اكتر بكتير
وقعت يا محمد
انا مش عارفه مودك ايه وازا كان مسموحلي بالهزار ولا لا
بس بجد طمني عليك يا محمد
تحياتي
الأخلاص ما خلاص
و الناس تتصور عايزينا نتغير
أقول أيه ؟ التنهيد زهق منى
gohayna:
جهينتى اطمنى وماتقلقيش على انا الحمد لله بخير دى حاله انا كنت كاتبها تقريبا من سنه وجه وقتها علشان تشوفوها واشوفها قبل منكو علشان افكر نفسى دايما بالاخلاص وازاى ابقى مخلص فى كل شىء فى حبى فى دينى فى كل حياتى
صحيح انا اتأثرت بيها بجد والصورة اللى نازله بجد اقصدها بكل معانيها بكل معانيها حاولى تفهمينى !
بس المهم انك لو عرفتى الحقيقه هاتعذرى الرجاله برضو كل العذر ومش هاقدر اقول ليه المرة دى ! المهم عايزك تفهمى بجد انه احنا غلابه اوى اوى
وتحياتى ليكى
محمد فوزى .
عاليا حليم :
التنهيد زهق منك الله ، برغم انه تعبير حزين الا انه بجد يشد ، طبعا انا سعيد ان الموضوع شدك للدرجه دى ويارب دايما و ...... دعواتكو لينا
وتحياتى ليكى يا عاليا
محمد فوزى .
Post a Comment