لما حبيبتك تبعد عنكغصب عنها وغصب عنك
وتلقى دموعها بتلمس خدك
وتبقى وحيد فى الدنيا بقلبك
..............
يبقى العالم واقف ضدك
تبقى مشاعرك سر تعاستك
تبقى دموعك، المك، جرحك
دول اصحابك ..... يبقو ملامحك
تبقى حياتك شكلها ايه ....
ومين فى الدنيا
هايتعب قدك
عايش وحدك !
ويبقى الحزن مغطى ملامحك
لما حبيبتك تبعد عنك غصبن عنها وغصبن عنك
محمد فوزى
اهداء الى صديق
18 comments:
يابخته صديقك
لي أهديت ليه الكلمات الجميلة السلسلة المعبرة دي
:)
جميل ان الواحد او بالاحري الرجل يعترف بالمشاعر دي ويعلنها
دايما بشوف الرجل في الحاله الانهزاميه الحزينه دي بيتظاهر بالعكس
بيتظاهر بالقوه وعدم الاكتراث لما حدث
وهو من داخله مفتت النفس وممزق الروح
يمكن علشان طبيعته تمنعه من اعلان والبوح عن لحظات ضعفه
البوست رائع يا محمد
والبوستات الي فاتتني انا علقت عليها
بعتذر للتاخير بس انت عارف الظروف
تحياتي ليك مره تانيه
من اسخن حته علي الارض
الكويت
بسوووووم :
فرحان جدا انك بتابعينى وتغطس تغطس وتظهر تانى يا بسوم يارب تكونى بخير
بسمه اجمل شىء فى الدنيا صديق اقرب لك من نفسك ليكى، يابخت صديقى بى ويابختى بصديقى ، ميرسى يابسوم على زيارتك الجميله وصباحك سكر .
محمد فوزى
جهينه : جوجو
جهينه الراجل طول عمرة قدام المرأة طفل صغير طول ما المرأة محسساة بالحب والاهتمام والحنان ، لكن لو اهينت كرامه الرجل عندئذ يتحول الى وحش كاسر غادر يثأر ليس لنفسه فقط ولكن لكل رجل اهينت كرامته .
اما عن نفسى انا لا اخاف القول اننى احيانا اضعف واعترف بضعفى امام من احب نعم الحب فى بعض الاحيان ضعف ولكنه ضعف لايمس الكرامه .
جهينه شكرا على زياراتك التى تبهجنى وتسعدنى .
وصباحك ورد معطر .
محمد فوزى .
الله يا محمد
جميل ان الراجل بجد يعبر عن المشاعر الى جواه
تعرف
انا كنت فى فتره متصورة ان الراجل لما مثلا يفترق عن حبيبه له مش بيحس بأى شئ
بينزل مع صحابه ويخرج ويتعرف
عادى جدا ولا بتأثر
بجد انا نفسى اعرف الراجل لما بينتهى من قصة حب
بيعمل ايه؟
بيبكى ويقعد لوحده ويتخنق ويتعذب وكده؟
انا بجد معجبه بطريقة تنظيمك الشعريه
تحياتى
اخيرااااااااااااا
حمد الله على السلامه
رغم انه بوست عن واحد وواحدة بردواP:P:P
لا خلينا نتكلم بجد بئا
الشعر جميل اوى ولمسنى بجد
ويابخت صاحبك علشان عنده صاحب حاسس بيه كدا زيك :D
برافوووووووووووووووو
تحفة يا محمد
مفيش احلى من الشعر اللي بيغني نفسه بنفسه
الله عليك يا شاعر
بصراحه كنت هحزن وهتاثر قوي وانا بقرا
بس القوة الادبية اللي في الاغنية والتمكن الشعري منعني من ده وخلاني مركز اوي في قرايتها
ممتاز يا شاعر
ممتاز حتى النخاع
شيماء الجيزى:
هاجاوبك على اسئلتك اللى محيراكى
بجد انا نفسى اعرف الراجل لما بينتهى من قصة حب
بيعمل ايه؟
بيبكى ويقعد لوحده ويتخنق ويتعذب وكده؟
الراجل لو انتهى من قصه حب وكان هو المظلوم او المخدوع ممكن بجد يعمل زى ماقلتى يخرج يسهر يتعرف وينسى انه يوم حب او اتمنى يحب وزى ماقال فؤاد ( لكن فى لحظه ما الامل هايكون والمح فى قلبك اى شىء بيخون هاهدم امال الجاى والحاضر ) .
اما لو قصه الحب فشلت غصب عنه وغصب عنها دا اصعب شىء فى الدنيا ممكن يوصل لحالات كتير من الاكتئاب والفشل مش مجرد انه يبكى فى غرفته ومحدش يشوفو لاء دا ممكن توصل بيه لاكتر من كدة لدرجه الموت
انا مش بهول انا بتكلم عن واقع انا عيشته .
وميرسى لزيارتك الجميله ويارب دايما
محمد فوزى .
رينا :
طيب انتى لو موش عاوزانى اكتب عن الرجل والمرأة اكتب عن مين ؟ عنا الكائنات الفضائيه اكيد برضو فيهم ذكر وانثى :(
وميرسى على كلامك الرقيق دا وبعدين يابخت صاحبى ليه ماكلكو اصحابى واخواتى
ولا عندكو شك فى كدة المدونه دى بيتى ولما بتزورونى ببقى فرحان جدا وربنا يديم المحبه والصداقه اللى بينا.
محمد فوزى .
احمد سلامه :
متعرفش يا احمد كلامك عمل ايه بجد ادانى دفعه قويه جدا ربنا يخليك على كلامك الرقيق دا ، عارف يا احمد اجمل شىء فى الدنيا ايه؟
لما تلاقى بجد ناس يفهموك تحس انك انسان بجد عايش وليك اهميه وربنا يديم الصداقه يا ابو حميد تحياتى .
محمد فوزى
شكلك اتقصرت بصاحبك
ورحت مش رجعت:D:D:D
نتشرف بدعوة سيادتكم والأسرة الكريمة لحضور إفتتاح المدونة الصاعدة بإذن الله .. كلماتى .. والعاقبة عندكم فى المسرات ..
حضروكم يسرنا ..
ودخانكم يضرنا ..
رينا:
يعنى ايه اتقصرت بصاحبك ؟
تقدى اتأثرت ، لو كدة يبقى طبعا اتقصرت بيه جدا وزعلت عليه ، موش علشان حبيبته بعدت عنه او هو بعد عنها لا لانه الحب دا كان لازم يتوأد من البدايه كان لازم يموت لانه من البدايه كان غلط لاسباب خاصه .
وشكراعلى سؤالك
محمد فوزى
ياسر سليم :
انشاء الله ازورك انا والعائله بس اهم شىء بتقدم فى المدونه درينكس علشان بس الجو حر ، وانشاء الله اوعدك انى موش هادخن مع ان دا على عينى ، وربنا معاك والف مبروك لمدونتك.
محمد فوزى
أحم أحم
غلطه مطبعيه يا فندم
الله بئا
ايه دا بئا دابئا دابئا دا بئا دا بئا دا
حكيم بيسلم عليك :P:P:P
كلماتها جميلة
اوىىىىىىىىى
رينا :
ههههههههه يا مصيبه اقول بئــا واحدة تحطيلى اغنيه ايه دا بئـا دا بئـــا دا بس ما اعتقدش انها غلطه مطبعيه دى لازمه عندك يابنتى بس لازمه حلوة بجد .
محمد فوزى
mesh2dra :
شكر لذوقك العالى يا فندم وياريت متطولش الغيبه علينا :(
محمد فوزى تحياتى
Post a Comment