لست أدرى
لست أدرى لماذا يتملكنى الوجوم
ولا اعبأ لشىء .. وكأن بداخلى سماء .. كلها غيوم
لا أرى بداخلها ... اية أقمار أو نجوم
لم يعد يجذبنى فرح أو حزن أو هموم
لم تعد تتملكنى الحيرة !!!
ولا الرغبة فى مجالسه فتاة على شاطىء البحيرة
أو التودد إلى شقراء او إرتشاف قبلات أخاذة أثيرة
لم اعد أظما للوجود ... لم أعد أعبأ بالنهود
ولا اخذ الوعد والوعود والتوعد والجحود
ولا اريد حتى العبث مع فراشة صغيرة
لا اريد الرفقة والرفاق ولا الصحبة والفراق
وما اريدة حقا لست ادرى لست ادرى ماهو
هل هو الموت البطىء ... ام استرجاع نور لم يضىء
حياة لم أعشها .. ذكريات من خيال
صار درب من محال
لست ادرى هل عشقت كل وهم او خيال ؟
اين الخطأ ؟ أفى التمنى والمنى !!!
ام فى حلم قد مضى ولم يزال ؟
لست أدرى ...
لست أدرى لماذا يتملكنى الوجوم
ولا اعبأ لشىء .. وكأن بداخلى سماء .. كلها غيوم
لا أرى بداخلها ... اية أقمار أو نجوم
لم يعد يجذبنى فرح أو حزن أو هموم
لم تعد تتملكنى الحيرة !!!
ولا الرغبة فى مجالسه فتاة على شاطىء البحيرة
أو التودد إلى شقراء او إرتشاف قبلات أخاذة أثيرة
لم اعد أظما للوجود ... لم أعد أعبأ بالنهود
ولا اخذ الوعد والوعود والتوعد والجحود
ولا اريد حتى العبث مع فراشة صغيرة
لا اريد الرفقة والرفاق ولا الصحبة والفراق
وما اريدة حقا لست ادرى لست ادرى ماهو
هل هو الموت البطىء ... ام استرجاع نور لم يضىء
حياة لم أعشها .. ذكريات من خيال
صار درب من محال
لست ادرى هل عشقت كل وهم او خيال ؟
اين الخطأ ؟ أفى التمنى والمنى !!!
ام فى حلم قد مضى ولم يزال ؟
لست أدرى ...
10 comments:
أحييك علي الكلمات المعبرة
والاحاسيس المرهفة
أنا كمان لست أدري لماذا يتملكني الوجوم؟؟؟
ولا اخذ الوعد والوعود والتوعد والجحود الجزء ده كله موسيقي وسجع
ولا اريد حتى العبث مع فراشة صغيرة
لا اريد الرفقة والرفاق ولا الصحبة والفراق
والجزء اللي فات ده بيحسسني بفقدان أي أمل في بكرة
لا اريد الرفقة والرفاق ولا الصحبة والفراق
بس الانطواء مش هو الحل احكي لصحابك عن اللي مدايأك
صار درب من محال
لست ادرى هل عشقت كل وهم او خيال ؟
اين الخطأ ؟ أفى التمنى والمنى !!!
ام فى حلم قد مضى ولم يزال ؟
لست أدرى ...
الجزء داه بأة بيفكرني تماما بقصة قصيرة ألفتها علي مدونتي المتواضعة اسمها (حينما نطق الكهف)
شكرا علي البوست الرائع ده والقصيدة اللي عايشتنا في أحاسيس كتيرة ومختلفة
تحياتي
ارجوك كبر الخط شوية وغير الالوان
شكرا
خواطر ليست عابرة :
سعيد جدا بزيارتك
الحمد لله طبعا لازم أحكى لأن محدش بيعيش فى الدنيا دى لوحدة ، لكن كل إنسان بيحتاج فترة من الوقت يعيشها لوحدة ويراجع فيها كل حساباته بعد فترة من الملل بيحتاج كل إنسان يكلم نفسة شوية فى اللى فات ويقيم حياتة كلها
وربنا يهدينا للخير ويرضينا
يارب لك العتبى حتى ترضى ولا حول ولا قوة الا بك
تحياتى لزيارتك
daktara :
سعيد بزيارتك يا دكتور
تحياتى
اخى ، انا من اهوى ومن اهوى انا
يا ابن اللذينة على جمال تشبيهك
.. فعل حكيمنا بيدبا
خاف من كلاب الظلم كتب كتابة بمعلمه
امل متوهنى ليه وعمال تقول
لا اريد الرفقة والرفاق ولا الصحبة والفراق
شكرا لزيارتك ولا تحرمنى المعاودة والنقد
لست أدري...
كيف أعبر عن جمال كتابتك...
التي نقلتني لبعد آخر...
..........
جميل أن تحتفظ بذكرى حلم مضى ولاكن لاتجعله يظل في حاضرك...
.........
اتركه في الماضي حيث ينتمي
..
وابدأ من جديد علك
تدري ما حقا تريد...
..........
دمت بخير..
نفسى افهم بتقعد فى انهى بلكونه وتكتب الكلام ده
بجد هادى وجميل
بيرم المصرى :
يا عمنا بيرم انت اللى كلماتك اللى تحفة فكرتنى بعمنا أحمد فؤاد نجم
عارف حسيت ان إنت بتغنى موال جميل وعملت زى ناس زمان اللى كانوا فى الفلاحين والصعيد اللى بابا كان بيحكيلى عليهم بيعملوا ليالى شعرية بتتغنى ، كل شاعر بيقول على سجيتة اللى ييجى فى بالة من كلام موزون والشاعر اللى معاة لازم يمشى على نفس الوزن والقافية وراة ويحكوا حكاوى جميلة تتغنى على الربابة
وكلة كلام بيألفوة فى لحظتها
انا اصلى معجون بمية الفلاحين سقانى
المية دى بمعلقة
نجم وفؤاد وصلاح جاهين
وبعدهم حكاوى ابويا فوزى مصرى من قلب مصر ويعشق حكاوى المصريين
وبعدهم عمنا بيرم المصرى وياليل يا عين
تحياتى ليك يا عمنا بيرم حبيت كلامك
وزادنى إحترام ليك سنك الكبير وقلبك الشباب وفكرتنى بوالدى العزيز اللذيذ فوزى مع انه مش شاعر كلام لكنة علمنى الصياغة وشربنى مقامات مقامات وكلامه كلة حكم
تحياتى ليك يا عمنا بيرم
m.k :
اختى العزيزة دا انتى اللى كلماتك الرقيقة دى حسستنى انى عاوز ابوس كل واحد فى الشارع بجد حسيت ان انا بجد بكتب حاجة حد بيحسها وانى كلامى مش كلام فاضى ومعانى إزاز تتكسر على اعتاب القلوب وماتتفهمش
برغم الحلة اللى كنت بكتب فيها الا ان بجد دلوقتى حاسس انى عاوز اكتب واكتب واكتب وارتوى من كلماتكوا الجميلة اللى بتنقدنى وبتوجهنى واللى بتثنى على وتسقفلى لما اقول حاجة جميلة
كل التحية ليكى ونصيحتك الغالية فوق دماغى
تحياتى
العزيزة appy أو رحاب :
أختنا العزيزة مش عاوز اقولك انا ضحكت قد اية لما سمعت تعبير بلكونة دا منك ههههههههههه
مش علشان بتهزرى لاء علشان انا غاوى فعلا بلكونات وبحب اشوف السما من بلكونتى واحب النجوم والقمر والكواكب وخصوصا كوكبك الجميل كوكب appy اللى بنحب نسرح فية وبنتعلم كل يوم منه
كل التحية ليكى يا أبى ويارب اكون عند حسن ظن الجميع
وبكرة أكيد أحلى
Post a Comment