بحبك وإنتى زعلانة
بحبك نسمة هيمانة
بحبك لون فى رسماية
بحبك ما انتى غنواية
بغنيها وبسمعها
بتسعد شوقى وهوايا
******
بحبك طير بجناح لولى
بيلمع شوقة فى عيونى
أبوس قلبك ماتزعل يوم
دا بيك أيامى صالحونى
أبوس الحب فى عيونك
ألف الدنيا وما أخونك
دا بيك الدنيا عرفتنى
أموت لو يوم تقسى على
وعينك لايمة لعيونى
18 comments:
دا انت غاوى تنكد عليها علشان تبقى زعلانه ولا ايه
ههههههههه
ربنا يهنيك حلو اوى الكلام
كل سنه وانت طيب
عيد فطر سعيد اعاده الله عليكم باليمن والخير والبركة ، وادام سعدكم وحقق احلامكم
كلمات رقيقه وجميله ...
كل عام وانت بخير...
appy:
ههههههههه انتى جاية تهدى النفوس
انا بصالحها والله من غير ما أزعلها وانا اقدر ازعلها برضوا
إهىء إهىء إهىء دا أنا غلــــبان
اولا دى روحى وقلبى وعمرى حد يزعل نفسة ياناس
وميرسى لزوقك يا جميل
وكل سنة وإنتى طيبة وربنا يهنيكى
تحياتى
أستاذنا بيرمالمصرى :
كل سنة وحضرتك طيب وبصحة وخير وسعادة وفرحان جدا جدا بمرور حضرتك اللى أسعدنى فعلا ، أدام الله علينا الفرحة والأعياد
تحياتى
m.k:
كل عام وانتى بخير وصحة وسعادة
ميرسى جدا على مرورك الكريم
وعيد فطر سعيد
تحياتى
الله الله الله عليك يا فنان
خفيفه.. رقيقة.. جايبه م الاخر
كل سنه وانت طيب الأول
ممكن تسمحلى استلفها؟
تقريبا انا لقيت ملحن خلاص
لولولوليييييييي
ماتكترش فى الكحك
انا جيت انهارده علشان اقوللك بس عيد سعيد وكل سنه انت طيب :)
يخراشى ايه الجمال ده
فى حد كده
الله عليك بجد
كل سنة وانت طيب
ماهي لو كل مزعلت وصالحتها بالشكل الرقيق دة هتتمني تزعل علطوووووووول
كلمات مميزة وبسيطة كالعادة كل سنة وانت طيب
سلامي ليك وكل الود
وينكى :
كل سنة وانتى طيبة يا وينكى يا أجمل أخت فى الدنيا
طبعا ماتغلاش عليكى يا قمر وربنا يكرمك معلش انا إتأخرت فى الرد
تحياتى وكل سنة وانتى طيبة
ألاء :
كل سنة وإنتى طيبة يا ألاء وانشاء الله ربنا يجعل ايامنا كلها اعياد وفرحة
اسف التعليق متأخر بس مكنتش بدخل نت للأسف
تحياتى وكل سنة وانتى طيبة
Sometimes :
ههههههه كل سنة وإنتى طيبة
وعيد سعيد عليكى يارب
اكيد فية حد كدة ... دا طبعا لما يكون بيحب ... ولما يكون اللى بيحبة اجمل حد فى الدنيا
ربنا يكرمك باللى يحبك اكتر من نفسك
تحياتى
tota:
ههههههههههه صح على رأيك علشان كدة انا بستسهل ومش بزعلها خالص
مرة ومش هاتتكرر إنشاء الله أحسن تاخد على كدة
ربنا يخليها لى يارب وما ازعلهاش ولا هى تزعلنى
تحياتى ليكى يا توتا وانشاء الله تلاقى اللى عمرة مايزعلك ابدااااا
الله كلامك جميل أوي خصوصا كمان البوست اللي تحت ده بتاع قلم جاف ..
بجد رائع
تحياتي لقلمك الرقيق
ياسمين
عاقلة على أرض الجنون:
ميرسى ربنا يخليكى ويارب دايما اكون على قد الكلام الجميل دا ويطلع منى حاجات كويسة
زيارتك أسعدتنى وياريت تتكرر
تحياتى ليكى
حلوة اوى و تنفع اغنية جميلة
بس انت ليه عامل الجزء الاول موجه لبنت و الجزء التانى موجه لولد ؟
عاليا حليم :
فينك يا عاليا
يارب تكونى بخير
ميرسى لزيارتك
اما بخصوص الجزء الاول موجة لبنت والتانى لولد او بصيغة المذكر فهو ممكن فعلا
بس لو حطيتى كسرى تحت الكلمة
زى ابوس قلبك نحط كسرة هاتمشى مؤنث
عموما بعد كدة هحاول اخد بالى من الموضوع دا ميرسى انك نبهتينى لحاجة مكنتش واخد بالى منها
تحياتى ليكى يا عاليا وماتغيبيش
Post a Comment