كنت خلاص
كنت خلاص قربت افرح
وحلمت كتير فى الشوق بسرح
لكنى صحيت من احلامى
على جرح جديد من اوهامى
مانا كنت خلاص قربت افرح
من تانى يادنيا معاندانى !!
احلام اشواق موش سمعانى
ولا الدنيا خلاص نسيانى
قررت أكون إنسان تانى
لكن عمرى ماهاكون جانى
لو حتى زمانى بكانى
ما انا كنت خلاص قربت افرح
كنت خلاص قربت افرح
وحلمت كتير فى الشوق بسرح
لكنى صحيت من احلامى
على جرح جديد من اوهامى
مانا كنت خلاص قربت افرح
من تانى يادنيا معاندانى !!
احلام اشواق موش سمعانى
ولا الدنيا خلاص نسيانى
قررت أكون إنسان تانى
لكن عمرى ماهاكون جانى
لو حتى زمانى بكانى
ما انا كنت خلاص قربت افرح
محمد فوزى
13 comments:
الانسان مهما شاف لازم يحاول تانى كنت فعل ماضى خليك فى المضارع
كلمات جميلة
تسلم عليها
----
المرأة كالعشب الناعم تنحني أمام النسيم ولا تنكسر أمام العاصفة
دى من دماغك
اصلها عجبتنى ومؤيد انا للجملة دى
اتمنى التواصل الدائم بنا
افكار حرة 1
تحياتى
احيانا الانسان مننا بيتعلق بحاجه ويبقى خلاص شايفها هيا السعاده مفيش غيرها وتروح منه وتبقى حالته زى حالتك وحالتى كدا بس برجع واقول لنفسى مين قالى ان الحاجه دى كانت هتكون مصدر سعاده ليا مش جايز كانت شر وربنا بيحبنى وبعدها عنى عشان يعوضنى ب احسن منها وبقول الحمد لله على كل شيىء وادينا لسه مستنين ربنا يعوضنا وربنا يكرمنا جميعا يارب ويفرحنا
تامر نبيل :
اولا يا تامر اهلا بيك فى جزيرتى الصغيرة دى انا مش متعود ناس كتير تشرفنى بزيارتها اولا انا متشكر جدا على كلماتك
تانى شىء المرأة كالعشب الناعم تنحنى امام النسيم ولاتنكسر امام العاصفة دى مش عندى دى حكمة فرعونية قديمة
كانوا ناس عباقرة
انا سعيد جدا بالتواصل معاك
دا يكون من دواعى سرورى
انتظرنى فى مدونتك انشاء الله
تحياتى
محمد فوزى
سمر الشافعى:
اول زيارة برحب بيكى جدا وسعيد بزيارتك
كلنا فى الهوا سوا
بكرة اللى بيجرحنا ينجرح
وبكرة اللى مش مقدرنا يعرف كنا اية
يعرف اننا حبينا بصدق
بكرة كل انسان يقسى هايدوق من قسوته
ربنا اكيد كاتبلنا دنيا نفرحها مش شقا وتعب
فأكيد أكيد اللى جاى أحلى
تحياتى
محمد فوزى
السلام عليكم
ازيك يامحمد
اخبارك اية
فى انتظار الجديد
تحياتى
جميل كلااامك اوى يامحمد
وعاجبنى حتة انك عمرك ما هتكون جانى دى
تحيااتى لييك
بجد جميل
انتظرك بمدونتى
تامر نبيل :
وعليكم السلام ورحمة الله وبركاتة
الحمد لله تمام يا تامر يا صديقى
انشاء الله فية جديد طول ما احنا عايشين بأمر الله
تحياتى ليك وعذرا لتأخرى عليك
تحياتى يا صديقى
محمد فوزى
بتيجى كده كتير على اخر لحظه
وتقلب بغم
بس لازم نحاول تانى
اكيد هنفرح
فى يوم ما
جميلة الكلمات
تحياتى
دعاء.. مواجهات
كلامى جميل عارف طبعا شىء موش جديد
بس دا علشان انتوا اللى بتقروة فطبعا لازم تشوفوة جميل
الجميل جميل علشان اللى بيشوفوا اجمل واجمل
يارب دايما اكون عند حسن ظن الناس بى
ويارب الجاى يكون احلى
تحياتى ليكى يا دعاء
محمد فوزى
دودو :
معاكى حق يا دودو هى بتيغى تلقلب بغم فى اللحظات الاخيرة
مع انها بتكون ماشية تمام بس النصيب
الحمد لله على كل شىء
وتحياتى ليكى وشرفتينا بزيارتك
محمد فوزى
يااه
كل ما اجي هنا اتبسط
والله بجد
حتى لو كان الشعر حزين
بس بيعجبني تماسكه
تسلم ايدك يا محمد والله
فينك يا راجل ؟؟
أحمد سلامة :
دى شهادة أعتز بيها اوى اوى اوى يا ابو حميد
انت فنان جميل ولما الكلام دا يخرج منك بجد يفرحنى جدااااا
وحشنى فنجان قهوتك يا صديقى
عذرا لغيابى عاوز اقابلك واحكيلك كتير ياريت والله نظبط ونشوف بعض
تحياتى يا كبير
اخوك فوزى
هاى محمد
كلامك صعب قوى لان كله احساس صادق انا مش عارفه اقولك ايه !بس اللى ممكن يقولك هوه محمد مش غيره وانا واثقه انك عارف هتعمل ايه صح قوى وزى ما تامر قلك خليك فى المضارع
وبعدين فين اسطوره الناى زى ما اتفقنا,على العموم لو مش هتنشرها فكر على الاقل فى مغزها مش مهم احنا عاوزين ايه او بلاش نفكر فى الجرح وبس, لكن الاهم ندور على اللى هيخلينا احسن ونحس باننا افضل.
واعتقد ان انا كده شوقتهم انهم يعرفوها واجبرتك انك تحكيهالهم..
ميرا المصريه
Post a Comment