صعب
صعب يموت الحب سنين
ويرجع تانى بشوق وحنين
صعب يعود بالساهل حبك
إتعودت اغيب عن حضنك
إتعودت أعيش ويايا
وانسى مشاعرى وحتى هوايا
يا ما قاسيت فى جراح جوايا
واتعذبت وكنت وحيد
عن حبك خلينى بعيد
صعب على أكون الحل
لما تقاسى واكون بالسهل
دوقى لمرة الخوف والذل
زى مادوقتينى سنين
صعب يموت الحب سنين
ويرجع تانى بشوق وحنين
محمد فوزى
صعب يموت الحب سنين
ويرجع تانى بشوق وحنين
صعب يعود بالساهل حبك
إتعودت اغيب عن حضنك
إتعودت أعيش ويايا
وانسى مشاعرى وحتى هوايا
يا ما قاسيت فى جراح جوايا
واتعذبت وكنت وحيد
عن حبك خلينى بعيد
صعب على أكون الحل
لما تقاسى واكون بالسهل
دوقى لمرة الخوف والذل
زى مادوقتينى سنين
صعب يموت الحب سنين
ويرجع تانى بشوق وحنين
محمد فوزى
8 comments:
الحب لومات في يوم يبقي مكانش حب
فيه بوست نشرته قبل كده لكلمات فاروق جويده احب انك تقراه
http://tota-8reba.blogspot.com/2007/03/blog-post_11.html
--------------------
سلامي ليك يامحمد
وحشتني مدونتك يا محمد
ووحشني كلامك المغنى ده
مع انه لساه حزين بردو
بس هي كده لعنة الشعر ابتلاء بالكتابة الشاجنة
تسلم الايادي
كل سنة وانت طيب يا صاحبي
سلامي لك
tota:
مين قال ان الحب لو مات يبقى مكانش حب ؟
عمر الحب مايموت الا لو مات احد طرفى الحب والموت هنا يعنى الخيانة !!!
قريت البوست ممتع وجميل لكن هى حالة عشتها وكتبتها يمكن اختلف مع ناس كتير او اتفق الا انها حالة
وشكرا لحضورك وأسف لتأخيرى فى الرد
محمد فوزى
احمد سلامة :
انت اللى وحشتنا جدا انا ومدونتى المتواضعة
فعلا لسة جوايا كمية حزن يا خبر مش هاقولك ، يمكن زى ما قولت لعنة !!!
بس حابب اللعنة دى اوى ومش عاوزلها علاج ملعون ملعون بس اكتب واكتب واكتب وتعجبكو كتاباتى يارب دايما
تحياتى وبحاول اقدملك فنجان قهوة متواضع من عمل ايدى وتحويجة خاصة بى
طبعا مش هاتيجى زى تحويجة قهوتك
تحياتى يا صديق
محمد فوزى
كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا
كلماتك دى جميلة اوى يا محمد والله
بس دوقى شوية الذل زى ما دوقتينى سنين ؟
مش الجزء ده خيالى شوية ؟ هو فيه راجل تقدر ست تدوقه الظلم سنين ؟ هو فين سكته ده ؟ دا انتوا معلمين فى الذل يا راجل :)))
كل عام هجرى و انت طيب و تسمحلى بالمساحة الأعلانية دى ؟
طب يا سيدى ألف شكر :)))))
-------------------
صاحب البوابة http://elbawaba.blogspot.com/ يدعوكم لحضور حفل أفتتاح دار النشر الخاص به ، حلم شاب تحقق بأمكانيات بسيطة - تجربة تستحق التشجيع - فى انتظاركم غدا الحميس 10 \ 1 \ 2008 الساعة السادسة مساءا فى مكتبة البلد 31 ش محمد محمود أمام الجامعة الأمريكية
وينكى : سورى يا وينكى انا جيت متأخر فى الرد كتير اوى ويارب يارب يقدرنى واكون معاكو المرة الجاية
تحياتى
محمد فوزى
عاليا حليم :
انا أسف لتأخيرى فى الرد بسبب انشغالى فى العمل بشكل مش طبيعى بكرر أسفى
بقى إحنا معلمين فى الذل يا عاليا ؟
أشك إن كيدهن عظيم يا عاليا
وبعدين إحنا غلابة والله يا عاليا سيبك بس شوية الكلام اللى بنقولهم بس والله إحنا فعلا غلابة اوى ولسة مفهمناش الانثى كما ينبغى برغم ان احنا بنقدرها كما ينبغى الا إننا عمرنا مافهمناها
وربنا يتولانا
وكل عام هجرى وانتى بخير
تحياتى
محمد فوزى
Post a Comment